Pa Čačotavych miaścinach na 215-ja ŭhodki fiłamata

24 lipienia baranavickija siabry Tavarystva biełaruskaj movy adznačyli 215-ja ŭhodki z dnia narodzinaŭ fiłamata Jana Čačota.

Spačatku ŭdzielniki turystyčnaj vandroŭki naviedali viosku Novaja Myš (Baranavicki rajon), dzie ŭstalavany pomnik pačynalniku biełaruskaj litaratury, aŭtaru šaści zbornikaŭ «Viaskovych pieśniaŭ».

Minski prafiesar Leanard Daraševič i bard Alaksiej Žbanaŭ nie tolki raskazali pra tvorčaść Čačota, ale i praviali intelektualnuju viktarynu pa historyi fiłamataŭ i fiłaretaŭ.

Svaje vieršy pračytali baranavickija paety Aleś i Alena Biełyja. Uskłaŭšy kvietki da pomnika i praśpiavaŭšy niekalki čačotaŭskich pieśniaŭ, udzielniki histaryčnaj vandroŭki nakiravalisia ŭ viosku Kryvošyn (Lachavicki rajon).

Tutaka ŭ falvarku Repichava i prajšli dziciačyja hady maleńkaha Jana, pra što śviedčyć jaho bałada «Myšanka». Miascovyja hramadskija aktyvisty ŭstalavali ŭ Repichaŭskim parku pamiatnuju šyldu ŭ honar paeta. Palubavaŭšysia miascovymi krajavidami, udzielniki mierapryjemstva arhanizavali mini-kancert pa tvorčaści Čačota. Bardy Alaksiej Žbanaŭ, Źmicier Zanieŭski, Cimoch Akudovič praśpiavali čačotaŭskija pieśni «Preč, preč sum, nudoty», «Znoŭ viarnuć viaki b nam tyja», «Što staryja za varjaty» i inš.

Arhanizatary i ŭdzielniki padarožža damovilisia ŭ nastupnym hodzie naviedać histaryčnyja miaściny, źviazanyja z žyćciom i dziejnaściu suśvietnaviadomaha navukoŭca Ihnata Damiejki, 210-ja ŭhodki jakoha budzie adznačać hramadskaść u 2012 hodzie.

0

0

0

0

0

0

Viktar Syryca, staršynia Baranavickaj rady TBM

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH