Aŭtar idei maŭklivych pratestaŭ Viačasłaŭ Dzijanaŭ pryznaje, što akcyi zajšli ŭ tupik, jon prapanuje stavaryć radu z palitykaŭ i analitykaŭ.
U piatnicu 29 lipienia Viačasłaŭ Dzijanaŭ praz supołku «Revalucyja praz sacyjalnuju sietku» z adkrytym listom z prośbaj ab dapamozie.
«Źviartajusia da vas z pryčyny taho, što naša inicyjatyva moža zajści ŭ tupik. Ciažka heta pryznavać, ale my imkniomsia być sumlennymi adzin z adnym. My imknulisia zrabić usio, kab abjadnać biełaruskaje hramadstva, ale nie ŭličvali važny faktar — nam nie chapała dośviedu, dzieści našy idei byli maksimalisckimi.
«Ja nie lidar, — piša Dzijanaŭ. — Mnie nie chapaje ni palityčnaha vopytu, ni asabistych jakaściaŭ, ni aŭtarytetu ŭ Biełarusi. Tak, i majo miescaznachodžańnie nie dazvalaje skazać, što ja razam z tymi ludźmi, jakija vychodziać na płošču.Ja ŭsio heta razumieju i pryznaju. Prapanoŭ pastupała šmat, ale ja bačyŭ u ich abo pahrozu, ci niapravilnaść mierkavańniaŭ. Heta maja pamyłka, majo subjektyŭnaje nierazumieńnie ŭsioj karciny taho, što adbyvajecca. Adsiul źjavilisia asabistyja kryŭdy na mianie: što sa mnoj nie damovicca, što ja rablu heta tolki
«Treba šukać vyjście, bo ideja žyvaja. Sacyjalnyja sietki — heta suviaź ź ludźmi, heta mahčymaść być pačutym i heta adzin ź miechanizmaŭ arhanizacyi i praviadzieńnia akcyj pratestu. Pakul ideja žyvaja i nie zabytaja, treba zrabić usio mahčymaje, kab jana nie zhasła, kab tyja ludzi, jakija pavieryli, što možna pieramahčy hetuju ciemru, byli razam», — pišacca ŭ zvarocie.
Ciapier Viačasłaŭ Dzijanaŭ prapanoŭvaje «sfarmavać radu «z palitykaŭ, analitykaŭ, palitołahaŭ, viadomych asob — davajcie razam vyrašym, što rabić ludziam, jakija pratesty arhanizoŭvać, kudy dalej ruchacca». Dzijanaŭ prapanoŭvaje abmiarkoŭvać pytańni praz skajp raz na tydzień.
Akcyi ŭ ramkach «Revalucyi praz sacyjalnuju sietku» prachodzili štosieradu ad 1 červienia. Jašče adna akcyja adbyłasia 3 lipienia. Najbolšy razmach byŭ 22 červienia, kali ŭ Minsku sabrałasia kala 4–5 tysiač, a ŭ niekatorych abłasnych centrach blizu tysiačy čałaviek. Paśla ŭžyvańnia siły i aryštaŭ akcyi stali mizarnieć.