20:55
Futbalisty BATE padbiehli padziakavać fan-siektar. Uklučyli himn kamandy. Atmaśfiera na stadyjonie ŭźniosłaja. Barysaŭ śviatkuje. Litoŭcy sychodziać, našy ž iduć na koła honaru.
20:54
Usio. Matč skončany.
Vinšujem usich amataraŭ biełaruskaha futboła. Nas znoŭ čakaje jeŭrakubkavaja vosień. Pytańnie tolki, u jakim turniry. Ci heta budzie Liha čempijonaŭ, ci ŭsio ž Liha Jeŭropy. Losavańnie nastupnaha etapu projdzie ŭ piatnicu.
20:48
Jość! Za chvilinu da skančeńnia asnoŭnaha času zabivaje Michaił Hardziejčuk — 3:1. Jon byŭ adnym z samych aktyŭnych u druhim tajmie. Ciapier možna ŭzdychnuć z palohkaj. Sudździa dadaje čatyry chviliny.
20:46
Cudoŭny momant upuskaje «Ekranas». Hutar sumiesna z abaroncami zmahli spravicca ź niebiaśpiekaj.
20:45
Litoŭcy iduć vialikimi siłami napierad. U BATE źjaŭlajucca šancy na kontratakach. Praŭda, Hardziejčuk bje prosta ŭ ruki varataru. Adarvacca nie atrymałasia.
20:43
Turecki arbitr na padzieńni biełarusaŭ nie viadziecca. Baha pakidaje pole vychodzić Rudzik. Zamien bolš nie zastałosia.
20:37
Hutar ciahnie ŭdar u nižni kut. Na stadyjonie napružanaja atmaśfiera. Usie razumiejuć, što staŭki vielmi vysokija. U litoŭcaŭ apošniaja zamiena: Rybokas zamiest Tamkiavičusa.
20:34
Litoŭski abaronca ledź nie zrezaŭ miač va ŭłasnyja varoty. Nie chapiła niekalkich santymietraŭ. Z vuhłavoha vastryni BATE nie stvaryŭ. Ciapier kornier u supiernika. Hutar upeŭniena zabiraje miač.
20:31
Druhaja zamiena ŭ BATE: kapitana Lichtaroviča, jaki paśpieŭ trochu staminacca, zamianiaje Alachnovič. Litoŭcy presienhujuć. Hutar prymušaje pachvalavacca. Vytrymali zaciažnuju ataku «Ekranasa».
20:25
Kučys bje zdalok — Hutar nadziejny. Vyhladaje, što kamandy ŭziali lohkuju pieradyšku pierad zaklučnaj častkaj hulni. Jašče adna zamiena ŭ litoŭcaŭ: aŭtara hoła Vialičku pamianiali na Markiavičusa.
20:20
Hardziejčuk prajšoŭ ź miačom pałovu pola, ale siły na mocny ŭdar nie chapiła. Šytaŭ atrymlivaje papiaredžańnie. Ataka na Hutara. Našamu varataru baluča. Davodzicca navat miedpiersanału na poli źjavicca. Litoviec taksama na hazonie.
20:18
Lichtaroviču bjuć pa nahach u centry pola. Naš kapitan znachodzić siły hulniu praciahnuć. Pieršaja zamiena ŭ składzie supiernika. Zamiest Radavičusa źjaviŭsia Maroz.
20:15
Zubas ciahnie ŭdar Radzivonava. Abaroncy «Ekranasa» prajhrali baraćbu biełaruskamu napadajučamu. BATE znoŭ pierachapiŭ inicyjatyvu. Hałavoj moh zabivać Filipienka, ale ŭdar atrymaŭsia trochu niedarečnym.
20:14
20:12
Na žal, hulnia BATE momantami pačynaje nahadvać adboj. Jašče ž hulać i hulać. Ci nie rana pačali adbivacca? Stadyjon niezadavoleny.
20:10
Futbalisty «Ekranasa» vyhladajuć kudy bolš upeŭniena ŭ paraŭnańni z tajmam pieršym. BATEšnikam heta padabajecca nie duža. Navies Jureviča ŭ štrafnuju ničym nie skončyŭsia.
20:08
Tolki ŭ pačtku druhoha tajma litoŭcy zarablajuć prava na pieršy vuhłavy. Abarona BATE dziejničaje nadziejna. Za pieršy adrazu idzie druhi. Uch! Jaki ž momant mieŭ Jokšas. Na ščaście, pramazaŭ.
20:06
Baha praviaraje ci nie zasnuŭ Zubas. Nie, usio taki ž nadziejny, jak i ŭ pieršym tajmie.
20:04
Turki narešcie vyjšli. Pajechali! Tajm druhi. Narod rassadžvajecca na svaje miescy. Hančarenka aśviažaje hulniu zamienami. Na miesca Aleha Patockaha vyjšaŭ Michaił Hardziejčuk.
20:01
Niejki aniekdatyčny momant. Abiedźvie kamandy na poli, a voś arbitraŭ niama. Moža bieź ich pačać? :)
19:58
Hančarenka vierny sabie. Z padtrybunnaha pamiaškańnie vychodzić da kanca pierapynka. Idzie na łavu zapasnych. Čakajem pačatku tajma druhoha.
19:50
U pierapynku pra niešta hutarać hałoŭny trenier zbornaj Biernd Štanhie i staršynia fiederacyi futboła,
19:46
Pierapynak. Pieršy tajm pakinuŭ nieadnaznačnyja ŭražańni. BATE vyhladaje macniej, ale dazvalaje volnaści ŭ svajoj štrafnoj. Plus durnoje vydaleńnie Bresana. Što prydumaje ŭ pierapynku Viktar Hančarenka?
19:45
Hulec «Ekranasa» atrymlivaje papiaredžańnie za hulniu rukoj. Da asnoŭnaha času pieršaha tajma dadadziena adna chvilinie. BATE pravodzić jaje ŭ atacy.
19:44
Nahadaŭ pra siabie kapitan BATE Lichtarovič, jaki babachnuŭ zdalok — mima.
19:42
Fanaty raździelisia pa torsu. Im taksama horača, nie adnym futbalistam. BATE pakul nie pryciskajecca da svajoj bramy.
19:39
Bresan absalutna zasłužana atrymaŭ druhuju žoŭtuju kartku — vydaleńnie. Stadyjon vitaje svajho lubimca stojačy. Bresan sychodzić u padtrybunnaje pamiaškańnie. U mienšaści našym budzie ciažej. Štrafny litoŭcy padali nie vielmi dobra. Uch, ciažki matč BATE čakaje!
19:37Bresan na radaściach atrymaŭ papiaredžańnie. A z pola na nasiłkach vynieśli hulca «Ekranasa» Kučasa. Zaraz miedyki robiać jamu zamarozku.
19:34
BATE zabiŭ druhi hoł. Palahčała na sercy — 2:1. Miač zabiŭ Renan Bresan, jaki pierakinuŭ bramnika, paśla cudoŭnaj pieradačy ŭ razrez. Stadyjon uziaŭsia padtrymlivać svaich z novaj siłaj. Litoŭskija žurnalisty siadziać panuryja, chacia jašče nie viečar.
19:31
Na adnoj z trybun stadyjona ŭźniali žoŭtyja i sinija šyldački. Vyhladaje pryhoža. Balelščyki siońnia radajuć. Radzivonaŭ upuskaje dobry šaniec. Čarhovy vuhłavy.
19:28
Sudździa robić zaŭvahu Zubasu, kab toj nie ciahnuŭ čas. Pakul niebiaśpiečnych momantaŭ nie ŭźnikaŭ ni kala adnych varot. Kožnaje sprečnaje rašeńnie tureckaha arbitra stadyjon sustrakaje niedobrazyčlivym hudzieńniem.
19:24
Taki lik BATE nie zadavalniaje. Treba abaviazkova pieramahać. Zatoje možna z upeŭnienaściu skazać, što dadatkova času nie budzie. BATE padaje, vidać, užo siomy vuhłavy.
19:22
Zabili i rassłabilisia. Litoŭcy vielmi chutka adyhralisia. Paśla šturchaniny ŭ štrafnoj Hutara Andres Vialička hałavoj nakiravaŭ miač u varoty Hutara — 1:1. Zaŭziatary hukajuć «Vierym u kamandu». Niečakany pavarot.
19:18
A voś i hoł! Radzivonaŭ! Dva futbalisty BATE vyjšli na adnaho varatara. Pas Vitalu Radzivonavu i jamu zastavałasia tolki nie pramachnucca ŭ pustyja varoty — 1:0. U nieba zapuścili
Daviałosia ŭvajści ŭ hulniu i Hutaru. Nastroj u zajaŭziataraŭ značna palepšyŭsia.
19:16
Uvieś stadyjon družna kryčyć: «Napierad, Barysaŭ». Honiać svaich u ataku. Praŭda, prabić Zubasa pakul nijak nie atrymlivajecca
19:11
Stadyjon u Barysavie zapoŭnieny amal całkam. Redka dzie jość pustyja miescy.
BATE pakul vałodaje terytaryjalnaj pieravahaj. U kamandy było dva padobnych momanty. Spačatku Radzivonaŭ, a paśla Baha nie zmahli hałavoj pierahulać varatara litoŭskaha čempijona Zubasa. Bałtyjec zhulaŭ u hetych momantach daskanała.
Litoŭcy adnojčy sprabavali pierakinuć Hutara, kali jon daloka vyjšaŭ z bramy, ale nie atrymałasia. Barysaŭcy cisnuć supiernika.
***
Pieršy matč pamiž BATE i «Ekranasam» u ramkach treciaha kvalifikacyjnaha raŭnda Lihi čempijonaŭ prajšoŭ tydzień tamu ŭ litoŭskim Paniaviežysie. Kamandy tak i nie zmahli vyśvietlić macniejšaha. Matč skončyŭsia nulavoj ničyjoj, choć BATE vałodaŭ inicyjatyvaj na praciahu ŭsiaho matča. Siońnia pieramožca atrymaje nie tolki vychad u nastupny raŭnd, ale i harantavany ŭdzieł u hrupavym turniry adnaho ź jeŭrakubkaŭ.