Hrupa sienataraŭ ZŠA zaklikała ministra finansaŭ Cimaci Hajtniera vystupić suprać vydzialeńnia Mižnarodnym valutnym fondam kredytu Biełarusi.
«Vydzialeńnie MVF kredytu Biełarusi budzie supiarečyć jak intaresam ZŠA, tak i intaresam ES», — havorycca ŭ liście, kopiju jakoha maje BiełaPAN.
«Niahledziačy na miljardy dołaraŭ padtrymki, vydzielenyja Biełarusi mižnarodnaj supolnaściu, uklučajučy 3,5 miljarda dołaraŭ ad MVF za apošnija dva hady, jaje ŭrad nie zdoleŭ pravieści strukturnyja reformy, da jakich nieadnarazova zaklikaŭ MVF i jakija jon ličyŭ nieabchodnymi, — pišuć sienatary. — Naadvarot,
biełaruski ŭrad pad aŭtarytarnym kiraŭnictvam Alaksandra Łukašenki pravodziŭ va ŭłasnych vuzkich palityčnych metach biezadkaznuju i razburalnuju palityku».
U jakaści prykładu aŭtary zhadvajuć značnaje pavyšeńnie zarpłaty dziaržsłužačym napiaredadni prezidenckich vybaraŭ 2010 hoda, jakoje było praviedziena z metaj uzmacnieńnia padtrymki pazicyj Łukašenki. «Hetu razburalnuju palityku MVF nazvaŭ adnoj z asnoŭnych pryčyn ciapierašniaha ekanamičnaha kryzisu ŭ Biełarusi», — skazana ŭ liście.
Pavodle mierkavańnia sienataraŭ, novym kredytam MVF prafinansuje zachavańnie «nielehitymnaha i represiŭnaha režymu», što «nie budzie spryjać sapraŭdnym ekanamičnym reformam».
«Niahledziačy na piarečańnie z boku ZŠA, vydzialeńnie Biełarusi kredytu MVF u 2009 hodzie było ŭchvalena mienavita tamu, što ZŠA i ES nie byli adzinyja. Uličvajučy novy charaktar ščylnaj transatłantyčnaj kaardynacyi i supracoŭnictva ŭ dačynieńni da Biełarusi, my spadziajemsia, što mahčyma lepšaje raźvićcio padziej», — havorycca ŭ liście.
Zvarot padpisali sienatary Ryčard Durbin, Biendžamin Kardyn, Mark Kirk, Džozief Libierman, Džon Makkiejn i Džyn Šachin.
Raniej niekatoryja ekśpierty zajaŭlali, što MVF moža admović Biełarusi ŭ davańni kredytu pa palityčnych matyvach. Takoha mierkavańnia, u pryvatnaści, trymajecca
Łukašenka, vystupajučy 17 červienia na
U biełaruskim pradstaŭnictvie MVF heta pytańnie nie kamientujuć.
