Ministr zamiežnych spraŭ Polščy Radasłaŭ Sikorski zaklikaŭ Alaksandra Łukašenku pačać pieramovy ab mirnaj pieradačy ŭłady i «nie čaplacca za jaje padobna žorstkim pravicielam u Paŭnočnaj Afrycy»,piša hazieta Financial Times.
U intervju łondanskaj redakcyi vydańnia dypłamat skazaŭ, što
«pryčynaj ekanamičnych ciažkaściaŭ i palityčnaj izalacyi Biełarusi źjaŭlajecca sistema «łukanomiki».
«Tamu ja vieru, što pradmiet dla abmierkavańnia sa spadarom Łukašenkam — heta pierachod Biełarusi da demakratyi i jaho naležny sychod ad ułady», — zajaviŭ Sikorski.
Łukašenku, pavodle mierkavańnia Sikorskaha, treba brać prykład nie ź jehipieckaha i livijskaha lidaraŭ Chośni Mubaraka i Muamara Kadafi, a z apošniaha lidara kamunistyčnaj Polščy Vojciecha Jaruzielskaha, jaki pakinuŭ svaju pasadu paśla taho, jak było dasiahnuta pahadnieńnie ab praviadzieńni demakratyčnych vybaraŭ.
Akramia taho, kiraŭnik zamiežnapalityčnaha viedamstva Polščy adznačyŭ, što Jeŭrasajuz pravilna zrabiŭ, kali nie vyklučyŭ Biełaruś z prahramy «Uschodniaje partniorstva» niahledziačy na represii Łukašenki suprać apazicyi.
«My ličym, što miechanizmy i pieravahi «Uschodniaha partniorstva» pojduć na karyść biełaruskamu narodu», — zajaviŭ Sikorski.
