Kitaj znoŭ abrynuŭsia z rezkaj krytykaj na amierykanskija ŭłady ŭ suviazi ź ich niazdolnaściu praduchilić padzieńnie kredytnaha rejtynhu. Pa mierkavańni azijataŭ, śvietu patrebnaja inšaja reziervovaja valuta, zdolnaja zamianić dalar.
«Prajšli časy, kali ZŠA mahli kredytam zabiaśpiečyć sabie vyjście z prablem, jakija jany sami i stvarajuć, u śviecie pavinna być novaja reziervovaja valuta, jakaja zamienić dalar»,cytujuć suśvietnyja infarmacyjnyja ahienctvy kitajskaje ahienctva «Sińchua».
5 žniŭnia adznaka daŭhavych abaviazacielstvaŭ ZŠA pahoršyłasia z maksimalnaha ŭzroŭnia «AAA» na adnu prystupku — da «AA+». Pry hetym prahnoz ahienctvam byŭ vyznačany jak «niehatyŭny». Analityki nie vyklučajuć i dalejšaha źnižeńnie rejtynhu.
Ahulny abjom valutnych reziervaŭ Kitaja pieravyšaje $3,2 tryljona, pryčym, pa adznakach ekśpiertaŭ, kala 60–70% składajuć dalaravyja aktyvy.
0
0
0
0
0
0
