Biełaruś — vielmi mocnaja kraina, a biełaruski narod vielmi talenavity, pracazdolny, pryjazny i mirny. Pra heta zajaviŭ prezident Hruzii Michaił Saakašvili 9 žniŭnia ŭ kurortnym miastečku Anaklija, dzie jon naviedaŭ moładzievy łahier i sustreŭsia ź junakami i dziaŭčatami z Hruzii, Biełarusi, Polščy, Armienii i Azierbajdžana.
«Siońnia my ŭzmocniena ŭkaraniajem novyja technałohii i viedajem, što najlepšyja śpiecyjalisty ŭ hetaj spravie — mienavita ź Biełarusi. Biełarusy — vielmi pracavity, mirny, družalubny narod.
Biełaruś — cikavaja kraina, dzie vyrablajuć lepšyja ŭ śviecie traktary, dzie samaja vialikaja małočnaja vytvorčaść u Jeŭropie, nie kažučy ŭžo pra toje, što tam samyja pryhožyja dziaŭčaty, i naohuł biełarusy — supierieŭrapiejski i supiersučasny narod», —zajaviŭ hruzinski lidar.
«Biełaruś pravodzić mirnuju i družalubnuju palityku ŭ adnosinach da susiedziaŭ. My adčuli heta na sabie i vielmi ŭdziačnyja Biełarusi za heta», — reziumavaŭ Michaś Saakašvili. Pa jaho mierkavańni,
takaja mirnaja i družalubnaja kraina «abaviazkova pavinna ŭvajści ŭ elitu jeŭrapiejskich dziaržaŭ».