Minpryrody pravodzić analiz probaŭ vady ź Vilejskaha vadaschovišča 1

Ministerstva pryrodnych resursaŭ i achovy navakolnaha asiarodździa pravodzić analiz prob vady, adabranych na Vilejskim vadaschoviščy. Pra heta paviedamiŭ načalnik upraŭleńnia rehulavańnia ŭździejańnia na atmaśfiernaje pavietra i vodnyja resursy Minpryrody Siarhiej Zaŭjałaŭ.

Zaŭjałaŭ zajaviŭ, što pradstaŭniki viedamstva vyjazdžali na Vilejskaje vadaschovišča 10 žniŭnia, i

«tam niama toj karciny, jakaja pakazanaja» na fotazdymkach u internecie.

Pavodle jaho słoŭ, pradstaŭniki pryrodaachoŭnych słužbaŭ znajšli «niekalki miortvych rybinak» i pałasu ŭ vadzie sinie-zialonaha koleru. Ale mienavita na Vilejskim vadaschoviščy kožny hod adbyvajecca ćvicieńnie sinie-zialonych vodaraściaŭ, zajaviŭ pradstaŭnik Minpryrody.

Pavodle jaho słoŭ, adabranyja proby vady, pravodzicca ich analiz. «Jon nie tak chutka robicca, ale, ja mahu skazać, što

ničoha strašnaha tam niama», —

śćviardžaje Zaŭjałaŭ. Najaŭnaja situacyja nie akaža nijakaha ŭpłyvu na jakaść vady ŭ Minsku i na sumiežnaj terytoryi ŭ Litvie, padkreśliŭ jon.

Nahadajem, 10 žniŭnia načalnik adździeła dziaržkantrolu za achovaj i vykarystańniem atmaśfiernaha pavietra i vodnych resursaŭ Minskaha abłasnoha kamiteta pryrodnych resursaŭ i achovy navakolnaha asiarodździa Valeryj Bakunovič zajaviŭ, što na zdymkach u internecie vyjaŭlenyja «naturalnyja pryrodnyja pracesy» ćvicieńnia sinie-zialonych vodaraściaŭ. Jon taksama skazaŭ, što nijakaha ŭmiašańnia ŭ pryrodnyja pracesy na Vilejskim vadaschoviščy z boku pryrodaachoŭnych słužb nie patrabujecca.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH