Šry-Łanka praviadzie pierapis usich słanoŭ, jakija nasialajuć vyspu. Inicyjatyva naležyć Ministerstvu pryrody hetaj krainy.
U mierapryjemstvie prymuć udzieł kala 4 tysiač vałancioraŭ i vajskoŭcaŭ, jakija abśledujuć usie nacyjanalnyja parki i zapaviedniki ŭ pošukach słanoŭ. Start pieršaj u historyi dziaržavy aficyjnaj pracedury ŭliku słanoŭ pryznačany na 12 žniŭnia. Pierapis budzie doŭžycca dva dni. Asnoŭnaja meta ŭliku słanoŭ składajecca nie tolki ŭ padliku ich papulacyi, ale i ŭ raźvićci sietki zapaviednikaŭ i raspracoŭcy prahram pa zachavańni hetych žyvioł.
Pa papiarednich adznakach arhanizataraŭ pierapisu, na Šry-Łancy pražyvaje kala 4 tysiač słanoŭ. Abaroncy žyvioł ličać, što hetyja ličby mohuć być zanižanyja, a realnaja kolkaść słanoŭ pieravyšaje nazvanuja kolkaść na 50 i bolš pracentaŭ.
Kali buduć padviedzieny vyniki słanovaha pierapisu, nie ŭdakładniajecca.
