Sud Mazyrskaha rajona 16 žniŭnia pryznaŭ Michaiła Karatkieviča vinavatym na padstavie art. 23.34 KoAP (parušeńnie paradku praviadzieńnia masavaha mierapryjemstva) i pakaraŭ štrafam u try bazavyja vieličyni. Žychara Mazyra asudzili za zapis na staroncy ŭ sacyjalnaj sietcy ab praviadzieńni akcyi maŭklivaha pratestu.
Zhodna ź milicejskim pratakołam, Karatkievič «u
Jak paviedamiŭ pravaabaronca Uładzimir Cielapun, sud paličyŭ, što staronka ŭ sacyjalnaj sietcy — heta ŚMI, zapis Michaiła byŭ dastupny mnohim karystalnikam, tamu pryznaŭ jaho vinavatym u arhanizacyi akcyi.
«Małady čałaviek raźmiaściŭ zapis na svajoj asabistaj staroncy ŭ sacyjalnaj sietcy, nikoha nikudy nie zaklikaŭ i nie źjaŭlajecca arhanizataram, pryčym zapis jon zrabiŭ užo paśla pačatku akcyj maŭklivaha pratestu. Adpaviedna, jak jon moh być arhanizataram? Takija zapisy ŭ sietcy jość u tysiač čałaviek», — adznačyŭ Cielapun.
Pavodle słoŭ pravaabaroncy, Michaił budzie abskardžvać rašeńnie suda.