U 2012 hodzie startuje pryrodaachoŭny prajekt "Sadziejničańnie raźvićciu ŭsieabdymnaj struktury mižnarodnaha supracoŭnictva ŭ halinie achovy navakolnaha asiarodździa ŭ Biełarusi", na realizacyju jakoha PRAAN vydzialaje bolš čym 5 młn. jeŭra. Ab hetym paviedamiŭ načalnik upraŭleńnia abychodžańnia z adchodami Ministerstva pryrody i achovy navakolnaha asiarodździa Siarhiej Kuźmiankoŭ.
Pavodle jaho słoŭ, u pačatku žniŭnia prajekt uchvaleny ŭradam, ciapier viadziecca padrychtoŭka da jaho zapusku.
U ramkach prajekta vydzieleny try kampanienty. Pieršy ź ich praduhledžvaje pravavoje i pracesualnaje zbližeńnie Biełarusi i krain ES. U pryvatnaści,
płanujecca zblizić zakanadaŭstvy ŭ halinie kiravańnia vodnymi resursami, udaskanalić narmatyŭna-pravavuju bazu Biełarusi ŭ halinie abychodžańnia z adchodami i zachavańnia bijaraznastajnaści ŭ adpaviednaści z vopytam Jeŭrasajuza.Akramia taho, płanujecca intehravać pracedury i praktyki Biełarusi ŭ halinie ekałahičnaj siertyfikacyi ŭ zakanadaŭstva ES.
Druhi kampanient prajekta praduhledžvaje realizacyju šerahu piłotnych pryrodaachoŭnych inicyjatyŭ. U pryvatnaści,
buduć raspracavanyja i ŭviedzienyja ŭ praktyku stratehii pa abychodžańni z kamunalnymi adchodami dla haradoŭ Masty i Kobryn.Taksama płanujecca raspracavać novy kompleks mierapryjemstvaŭ dla zakaźnika "Jelnia".
Treci kampanient prajekta ŭklučaje mierapryjemstvy pa infarmavańni hramadskaści ŭ halinie achovy navakolnaha asiarodździa.
Prajekt raźličany na try hady.