Pahadnieńnie, padpisanaje siońnia pamiž ŭradami Biełarusi i Rasiei, maje try aspekty ‑ ličyć viadomy rasiejski palitolah, viadučy navukovy supracoŭnik Instytutu Eŭropy Rasiejskaj akademii navuk Dźmitry Furman.
Furman: «Pa‑pieršaje, heta, zrazumieła, kampramis i narmalny kampramis, bolš‑mienš prymalny dla abodvuch bakoŭ. Dobra što ŭ Biełaruś upieršyniu z Novaha hodu pajšła nafta.
Druhi momant — heta jašče adzin, vielmi važny krok na šlachu likvidacyi asobych adroźnieńniaŭ na postsavieckaj prastory, jašče adzin krok na šlachu likvidacyi reštak SND, reštak Rasiejskaj imperyi i reštak SSSR.
Ciapier Rasieja zastajecca adna, jana abkružanaja kołam nie vasałaŭ i paŭsiabroŭ, a krainami pa ŭsim perymetry rasiejskaj miažy, ź jakimi ŭ nas (amal z usimi) składanyja dačynieńni i kanflikty. Zaraz da ich dadałasia Biełaruś.
Treci aspekt — ułasna biełaruski, jaki tyčycca biełaruskaj historyi. Mnie zdajecca, što heta ‑ adna ź viechaŭ ustalavańnia Biełarusi jak dziaržavy, jakaja ŭśviedamlaje siabie jak niezaležnaja, jak dziaržavy, jakaja nazaŭždy. Heta adzin z krokaŭ na šlachu nabyćcia Biełaruśsiu niezaležnaści ‑ niezaležnaści ekanamičnaj, ale pierš za ŭsio psychalahičnaj».
