Pavietka zhareła ad chimičnaj reakcyi vapny z vadoj 1

Draŭlanaja pavietka zhareła na pryvatnym padvorku ŭ vioscy Hiliki Vałožynskaha rajona nočču 23 žniŭnia. Pryčyna pažaru nie zusim zvyčajnaja — chimičnaja reakcyja niehašanaj vapny i vady.

Inśpiektar dziaržaŭnaha pažarnaha nahladu rajadździeła pa nadzvyčajnych situacyjach Alona Korsakava raskazała ŭ intervju «RH»: paviedamleńnie pra ŭzharańnie na pult vyratavalnikaŭ pastupiła ŭ 1 hadzinu 24 chviliny.

Kali pieršaje pažarnaje avaryjna-vyratavalnaje padraździaleńnie pryjechała na miesca, pavietka hareła adkrytym połymiem, dach byŭ źniščany. Ahoń taksama paškodziŭ aŭtamabil «Piežo-307», jaki stajaŭ pobač.

Pa infarmacyi Alony Korsakavaj, pažar moh zdarycca ad ciepłavoha efiektu chimičnaj reakcyi niehašanaj vapny i vady.

Vada trapiła ŭ vapnu, potym iskra — na sałomu.

Materyjalnaja škoda, jakuju pažar nanios 54-hadovamu haspadaru, aceńvajecca ŭ 35 miljonaŭ rubloŭ. Pažarnyja vyratavali materyjalnyja kaštoŭnaści na sumu 11 miljonaŭ rubloŭ. U 2 hadziny pažar łakalizavali, u 2 hadziny 48 chvilin — patušyli.

0

0

0

0

0

0

Siarhiej Ziańko, Rehijanalnaja hazieta

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH