Ministerstva achovy zdaroŭja rekamienduje vakcynacyju ad vietranoj vospy

Hałoŭny epidemijołah Ministerstva achovy zdaroŭja Ina Karaban rekamienduje vakcynacyju ad vietranoj vospy.

Jak paviedamiła śpiecyjalist na pres-kanfierencyi ŭ Minsku 26 žniŭnia, u Biełarusi štomiesiac na vietranuju vospu zachvorvaje prykładna 6 tysiač čałaviek (pryblizna na 10% bolš, čym u 2010 hodzie). Chvaroba praciakaje dastatkova ciažka, asabliva ŭ darosłych ludziej, i moža mieć doŭhaterminovyja nastupstvy. Virus zastajecca ŭ arhaniźmie i moža pry źnižeńni imunitetu ŭ čałavieka starejšaha za 50 hadoŭ prajaŭlacca ŭ vyhladzie apajasvajučaha lišaju.

U kalendary prafiłaktyčnych pryščepak (za košt srodkaŭ biudžetu) vakcynacyja suprać vietranoj vospy pakul nie praduhledžana. Karaban adznačyła, što ŭ ministerstvie abmiarkoŭvajecca pytańnie pavieličeńnia kolkaści pryščepak u kalendary, adnak z-za isnych ekanamičnych prablem najbližejšym časam hetaha nie adbudziecca.

Na płatnaj asnovie vakcynacyja ad vietranoj vospy pravodzicca ŭ paliklinikach i haradskim centry vakcynaprafiłaktyki. Ministerstvam achovy zdaroŭja zarehistravany i dazvoleny dla vykarystańnia vakcyny «Varyłryks» (Bielhija) i «Akavaks» (Japonija).

Košt vakcynacyi «Varyłryksam» u haradskim centry vakcynaprafiłaktyki pavialičyŭsia.

Dla dziciaci da 12 hadoŭ — 250 tys. rubloŭ (u mai było 160 tys. rubloŭ), dla darosłaha i dziaciej starejšych za 12 hadoŭ — 500 tys. rubloŭ (było 320 tys. rubloŭ).

Nazirańnie za pryščeplenymi pakazała, što sa 100 pryščeplenych 88–94 čałavieki nie zachvarejuć na vietranuju vospu. U 6–12 čałaviek sa 100 pryščeplenych moža ŭ vypadku kantaktu raźvicca vietranaja vospa, ale praciakać jana budzie ŭ lohkaj formie. Praciahłaść zaściarohi składaje 20 i bolš hadoŭ.

Usprymalnaść ludziej da vietranoj vospy — 100%. Infiekcyja pieradajecca pavietrana-kropielnym šlacham pry razmovie, kašli, čchańni. Chvoryja stanoviacca zaraznymi za 20–24 hadziny da źjaŭleńnia sypu i zastajucca takimi da piataha dnia z momantu rehistracyi jaje apošniaha elemienta. Tempieratura trymajecca dva-piać, časam da vaśmi-dziesiaci dzion.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH