Lidary apazicyjnych partyj i ruchaŭ majuć namier sabracca siońnia dla abmierkavańnia mahčymaści dyjałohu z uładami. Sustreča płanujecca ŭ druhoj pałovie dnia ŭ ofisie Abjadnanaj hramadzianskaj partyi (AHP) biez udziełu ŚMI.
Napiaredadni Alaksandr Łukašenka na naradzie piedahahičnaha aktyvu ŭ Minsku prapanavaŭ «usim ludziam ćviarozaha rozumu, jakija lubiać svaju krainu, da jakoha b palityčnaha łahiera jany ni naležali, sieści za kruhły stoł, pahladzieć adzin adnamu ŭ vočy i realna acanić, chto čaho varty i što moža zrabić dla efiektyŭnaha palapšeńnia situacyi ŭ krainie». «Chočacie zmahacca — kali łaska: zmahajciesia ŭ adkrytaj dyskusii, dakazvajcie, što majecie racyju, adstojvajcie svoj punkt hledžańnia», — dadaŭ Łukašenka.
Jak paviedamiŭ staršynia AHP Anatol Labiedźka, na hety momant
svoj udzieł u sustrečy paćvierdzili pradstaŭniki Partyi BNF, Biełaruskaj partyi levych «Spraviadlivy śviet», ruchaŭ «Za Svabodu» i «Havary praŭdu!», arhkamiteta pa stvareńni partyi «Biełaruskaja chryścijanskaja demakratyja».«My pavinny vypracavać svaju pazicyju pavodle zajavy Łukašenki, a taksama padrychtavać płan dziejańniaŭ u vypadku raźvićcia roznych scenaryjaŭ», — adznačyŭ lidar AHP.
Na dumku Labiedźki, mahčymyja jak minimum try scenaryi dalejšych dziejańniaŭ ułady. «Pieršy — toje, što my ŭžo prachodzili: sproba šyrokaha dyjałohu, kali niezrazumieła, z kim naohuł jon viadziecca i jakija pytańni abmiarkoŭvajucca. Druhi — sproba reanimavać
Pry hetym jon zajaviŭ:
pieramovy pamiž uładaj i apazicyjaj nie mohuć pačacca da taho času, pakul zastajucca ŭ turmach fihuranty kryminalnaj spravy ab masavych biesparadkach 19 śniežnia.«Va ŭłady jość šans pryjści na pieramovy mocnaj — heta sprava troch chvilin i adnaho podpisu. Vyrašeńnie pytańnia palitźniavolenych taksama ŭzmocnić pazicyi Minska pry pieramovach ź mižnarodnymi strukturami», — padkreśliŭ Labiedźka.
Učarašniuju zajavu Łukašenki lidar AHP pakul rasceńvaje jak «zroblenuju śpiecyjalna dla MVF». «Ci byli heta prosta słovy abo realnaja hatoŭnaść da dyjałohu, my ŭbačym najbližejšym časam», — dadaŭ Anatol Labiedźka.
Na pasiadžeńni 29 žniŭnia Saviet dyrektaraŭ MVF mieŭsia razhledzieć zajaŭku Biełarusi na vydzialeńnie kredytu ŭ pamiery ad 3,5 da 8 miljardaŭ dołaraŭ ZŠA. Pra vyniki pasiadžeńnia pakul nie paviedamlajecca.
