Ekanamist Siarhiej Čały prahnazuje 4 paralelnyja kursy biełaruskaj valuty i «rynkavy» dalar pa 10 tysiač rubloŭ.
Spadar Čały zhadvaje, što ŭchvalenaja siońnia Łukašenkam schiema ŭrehulavańnia valutnaha rynku ŭžo prapanoŭvałasia ŭ krasaviku hetaha hoda, ale nie była realizavanaja paśla ŭmiašańnia kiraŭnika krainy, jaki ŭ pasłańni Nacyjanalnamu schodu pryznaŭ heta niemetazhodnym. Ciapier da hetaj prapanovy viarnulisia.
«Heta psieŭdarynkavaje rašeńnie,heta viartańnie da minułaha, da
Jak minimum, takich kursaŭ budzie 4, kaža Siarhiej Čały — adzin budzie vykarystoŭvacca na asnoŭnaj siesii valutnaj biržy, druhi budzie farmavacca na dadatkovaj siesii, jašče dva kursy buduć vykarystoŭvacca na čornym rynku najaŭnaj i bieznajaŭnaj valuty.
Kurs dadatkovaj siesii budzie składać kala 10 tysiač, miarkuje spadar Čały, a čorny kurs — jašče bolš.
«U niejkaj stupieni heta azdarović situacyju, heta lepiej, čym ničoha, bo imparciory atrymajuć lehalny dostup da valuty, čaho raniej nie mieli. Dyj u eksparcioraŭ źjavicca stymuł pradavać valutu. Ale faktyčna heta aznačaje i zachavańnie karupcyjnaj sistemy dla asobnych kupcoŭ valuty i kanfiskacyi častki prybytku ŭ eksparcioraŭ».
Ci źjavicca najaŭnaja valuta ŭ abmieńnikach, zaležyć ad taho,
ci dapuściać banki na tak zvanyja dadatkovyja siesii biržy. Kali, miarkuje Siarhiej Čały.dapuściać-to nasielnictva zmoža kupić valutu pa rynkavym kursie
Na jahonuju dumku, hetyja rašeńni nijak nie palepšać šancy Biełarusi na atrymańnie novych zamiežnych kredytaŭ, bo množnaść kursaŭ naŭprost supiarečyć statutu MVF i abaviazkam Biełarusi pierad Antykryzisnym fondam JeŭrAzES.
