Piśmieńnik Uładzimir Arłoŭ vypuściŭ novy raman «Žabki» 2

U sieradu, 31 žniŭnia, svoj 75-y dzień naradžeńnia adznačaje rasiejski piśmieńnik i scenaryst Uładzimir Arłoŭ, absalutny ciozka svajho biełaruskaha kalehi. Što ž piša rasiejski piśmieńnik?

Jahonuju prozu adroźnivajuć spałučeńnie satyry i miakkaha humaru z fantasmahoryjaj, dakładnaje apisańnie maskoŭskaha žyćcia i palot fantazii. Tvory Arłova znajomyja čytačam bolš čym dvaccaci krain. Jon nie ličyć siabie znakamitym, ale krytyki daŭno i spraviadliva pryličyli Arłova da kłasikaŭ sučasnaj litaratury, paviedamlaje telekanał «Kultura».

Da jubileju piśmieńnik vypuściŭ novy raman — «Žabki» («Lahuški»). Raman pačynajecca z taho, što «U Kaŭryhina skončyłasia piva. Treba było iści ŭ pałatku». A potym akazvajecca, što «pa siaredniaviečnaj simvolicy zamak ź viežaj, tym bolš umacavany, atajasamlivajecca ź ciełam žančyny, jakuju paluboŭnik pavinien umieć ŭziać prystupam».

Upieršyniu pra Uładzimira Arłova jak pra piśmieńnika zahavaryli ŭ 65-m, paśla vychadu ramana «Salony kavun» («Solenyj arbuz») pra pakareńnie Sibiry. Adnak u panujučy tady žanr sacrealizmu Arłoŭ nie ŭpisaŭsia. Jaho doŭha nie drukavali. Pryjšłosia pracavać litkansultantam i pierakładčykam. Ale pisać praciahvaŭ.

Prychilnik Hofmana, Hohala, Bułhakava, Sałtykova-Ščadryna — ź dziacinstva jon lubiŭ kazki, tamu i pačaŭ uplatać u tkaninu svaich tvoraŭ elemienty fantasmahoryi. Jaho prasłaviŭ «Altyst Daniłaŭ». Stvorany ŭ žanry mahičnaha realizmu raman raspaviadaŭ pra supraćstajańnie śvietłaha tvorčaha pačatku sataninskaj sile. Taki ŭ Savieckim Sajuzie publikavać admaŭlalisia. A kali nadrukavali — razam ź viadomaściu na aŭtara abrynułasia łavina žorstkaj krytyki.

Pavodle newsru.com

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH