U Biełarusi treba admaŭlacca ad małakamplektnych škoł, arhanizujučy padvoz navučencaŭ u bolš bujnyja. Ab hetym zajaviŭ siońnia Alaksandr Łukašenka padčas naviedvańnia siaredniaj škoły ŭ Astrašyckim Haradku i ŭdziełu ŭ śviatkavańni Dnia viedaŭ.
Kiraŭnik dziaržavy adznačyŭ, što tyja, chto vystupaje za zachavańnie nievialikich sielskich škoł, nikoli nie addali b u jaje svajo dzicia. «Nichto b svajo dzicia nie pavioŭ u škołu, dzie ŭ adnym kabiniecie siadziać čatyry kłasy i adzin nastaŭnik, jaki za 45 minut navučaje ŭsich dziaciej, — skazaŭ jon. — Lepš zatracić hrošy, kab padvozić vučniaŭ, ale kab jany vučylisia ŭ narmalnaj, paŭnacennaj škole, kab atrymlivali viedy. A prafanacyi nam nie patrebny».
Dla zabieśpiačeńnia padvozu vychavancaŭ i navučencaŭ u ramkach realizacyi mierapryjemstvaŭ Dziaržaŭnaj prahramy adradžeńnia i raźvićcia vioski na 2005–2010 hady było nabyta 723 aŭtobusy. U 2010/2011 navučalnym hodzie dla hetych met vykarystoŭvałasia amal 1300 aŭtobusaŭ.
Dzielačysia ŭražańniami ad ubačanaha ŭ škole, Łukašenka adznačyŭ, što pa takomu typu i treba abstaloŭvać škoły ŭ ahraharadkach.
«Kampaktna, bieź lišniaha.Heta adzin z typovych uzoraŭ škoły, — skazaŭ kiraŭnik dziaržavy. — Dobra, što vybrali aptymalny varyjant. Tak treba madernizavać i inšyja škoły».
