«Ja i sam zaśpiavaŭ na biełaruskaj movie. Naprykład, pieśnia „Krajina mrij“ pierakładzienaja na biełaruskuju i chutka budzie prezientavanaja słuchaču»
«Ja i sam zaśpiavaŭ na biełaruskaj movie. Naprykład, pieśnia „Krajina mrij“ pierakładzienaja na biełaruskuju i chutka budzie prezientavanaja słuchaču», — pryznaŭsia ŭkrainski śpiavak na folk-feście «Kamianica».
Fiestyval prajšoŭ u Dziaržaŭnym muziei narodnaj architektury i pobytu ŭ vioscy Aziarco (Mienski rajon) i sabraŭ niekalki tysiačaŭ haściej usich uzrostaŭ. U im udzielničali etnahurty «Stary Olsa», «Hościca», «Osimira», «Chocha Bend», «Vietach», etna-trya «Troica», a taksama duet «Alaksandra i Kanstancin» i lidar ukrainskaha rok-hurta «Vopli Vidoplasova» Aleh Skrypka, prysutnaść jakoha nadała imprezie mižnarodny charaktar.
«Na kancertach ja vykonvaju svaju muzyku, nu i remiksy inšych vykanaŭcaŭ ci narodnuju tvorčaść, — padzialiŭsia muzyka na pres-kanfierencyi. — A tut ja mahu pakazać dobruju palitru muzyki — jak by majo mierkavańnie pra toje, jaki siońniašni muzyčny śviet. Toje, što ja vykonvaju na dyskatecy, — heta maja fantazija. Asabliva rady, što ja ŭ haściach u vas u Biełarusi. Bo prystojnuju častku majoj prahramy składaje biełaruskaja muzyka. U tym liku aryhinalnyja treki hurta „Troica“, remiksy na „Pałac“, jašče niekalki kampazicyjaŭ. Mnie padabajecca tendencyja uplatańnia dy-džejskaj muzyki ŭ etničnyja fiestyvali. Dumaju, heta pravilna, heta pašyreńnie koła publiki dy toj muzyki, jakaja źviartajecca da etničnaj temy».
Skrypka pryznaŭsia, što ŭ jaho — čverć biełaruskaj kryvi, i što biełaruskija artysty — stałyja chedłajnery papularnaha ŭkrainskaha fiestyvalu «Krajina mrij».
