Tańniej za ŭsio ŭ druhoj pałovie vieraśnia abyjdziecca adpačynak u Turcyi.
Ałańja: tradycyi i sučasnaść, stepdream.com
Dyrektar pa turyźmie kampanii «AeroBiełServis» Alaksandr Burdziejka adznačaje, što hety kirunak karystajecca popytam i samaloty dobra zapaŭniajucca. Najbolš ekanamičny varyjant dla dvaich turystaŭ - 1090 dalaraŭ za adpačynak u trochzorkavym hateli ŭ Kiemiery, krychu daražej abyjdziecca Ałanija - 1 100 dalaraŭ na dvaich.
Adpačynak u Jehipcie taksama karystajecca dobrym popytam, ale tut turystam daviadziecca zapłacić bolš. Tak, u kampanii «Technastar» paviedamili, što ekanamičny varyjant adpačynku ŭ Churhadzie na dvaich budzie kaštavać 1458 dalaraŭ.
Aščadzić možna, kali adpraŭlacca z Maskvy abo Kijeva.Haračy tur, kali pašancuje, možna adchapić prykładna za 850 dalaraŭ na dvaich.
Samy darahi adpačynak ź liniejki papularnych kurortaŭ - u Abjadnanych Arabskich Emiratach. U kampanii «Tuson Vajaž» paviedamili, što košt turaŭ pačynajecca ad 2331 dalara na dvaich. Adnak pajezdka z Kijeva pa tym ža maršrucie budzie kaštavać ad 1346 dalaraŭ na dvaich. Takaja roźnica ŭźnikaje za košt roźnicy koštaŭ na avijapieralot. Haračyja pucioŭki ŭ Emiraty nie prapanujucca, bo treba dadatkovy čas dla afarmleńnia vizy.
Najaŭnaść šenhienskaj vizy ŭ pašparcie turysta spraščaje pajezdki ŭ Jeŭropu. Litaralna tydzień tamu ŭ Minsku možna było nabyć haračyja pucioŭki na tydzień na Kryt na dvaich usiaho za 386 jeŭra! Najbližejšyja tury - na 12 dzion dla dvaich buduć kaštavać užo 1278 jeŭra.
Kab adpačyć u Čarnahoryi, u turystaŭ zastajucca ličanyja dni. Usie aŭtobusnyja i bolšaść avijaturaŭ užo pradadzienyja. Ale kali pasprabavać, to jašče možna znajści avijapadarožža ŭ hetuju vydatnuju krainu za 1 100 dalaraŭ na dvaich.
U hetyja dni nabiraje abaroty takoje papularnaje napramak, jak Izrail. Ekanamičnuju pucioŭku možna znajści za sumu da 1 000 dalaraŭ. U kampanii «PrestyžAkvaTur» kažuć, što papularnyja tydniovyja pajezdki, jakija ŭklučajuć try ekskursii. Košt takoha tura - amal 890 dalaraŭ. Tydzień azdaraŭleńnia na ŭźbiarežža Miortvaha mora budzie kaštavać prykładna 870 dalaraŭ. Adpačynak uklučaje pražyvańnie ŭ dvuchmiesnym numary.
