Sud nad Andersam Brejvikam moža być častkova adkrytym, paviedamlaje narviežskaje vydańnie VG. 32-hadovaha narviežca vinavaciać u ździajśnieńni padvojnaha terakta 22 lipienia, u vyniku jakoha zahinuli 77 čałaviek.
Advakaty Brejvika daviali, što całkam zakryty praces nad ich padabaronnym nie mahčyma pravieści, nie parušyŭšy narviežskija zakony. Na zakrytym pracesie nastojvajuć śledčyja prakuratury i palicyja. Jany apasajucca, što praz presu teraryst moža źviazacca sa svaimi mahčymymi paplečnikami. Sud pastanaviŭ, što na praces buduć dapuščanyja paciarpiełyja i rodnyja zahinuŭšych u časie teraktaŭ, a taksama žurnalisty. Dla presy buduć uviedzienyja istotnyja abmiežavańni: poŭnaja zabarona na fota- i videazdymki, a taksama abmiežavańni pry publikacyi materyjałaŭ z sudovych pracesaŭ.
