U Mahilovie 15 vieraśnia na vulicy Haharyna zahareŭsia adnapaviarchovy zakinuty budynak, jaki znachodzicca na bałansie TAA «Jeŭrahandal».
Jak paviedamili na miescy zdareńnia supracoŭniki MNS, infarmacyja ab uzharańni pastupiła ŭ 15.20 apieratyŭnamu dziažurnamu ad supracoŭnikaŭ DAI.
Dym ad pažaru achinuŭ niekalki hustanasielenych vulic u zadniaproŭskaj častcy horada — vulicu Haharyna, praśpiekt Šmita, bulvar Nieskaronych.
U tušeńni pažaru było zadziejničana piać adździaleńniaŭ pažarnych. Paciarpiełych niama.
Pažarnyja miarkujuć, što pryčynaj mahło stać nieaściarožnaje abychodžańnie z ahniom, adnak dakładnaja pryčyna ŭzharańnia budzie nazvana paśla ekśpiertyzy.
Što da ŭładalnikaŭ budynka TAA «Jeŭrahandal», to kampanii pahražajuć bujnyja štrafnyja sankcyi za niezabieśpiačeńnie achovy abjekta.
