Abvinavačvany ŭ terakcie ŭ minskim mietro Dźmitryj Kanavałaŭ u 2008 hodzie sprabavaŭ skončyć žyćcio samahubstvam.Pra heta 20 vieraśnia padčas sudovaha pasiadžeńnia pa spravie ab terakcie zajaviŭ Uładzisłaŭ Kavaloŭ.
Jak vynikaje z pakazańniaŭ Kavalova, Kanavałaŭ «manipulavaŭ svaim žyćciom». Zimoj 2008 hoda jon patelefanavaŭ Kavalovu i paviedamiŭ, što parezaŭ sabie vieny. Kavaloŭ pryjechaŭ da siabra i ŭbačyŭ, što ŭ jaho pierabintavanyja zapiaści ruk. Matyvy svaich dziejańniaŭ Kanavałaŭ nie rastłumačyŭ. Jaho siabar vykazaŭ mierkavańnie, što ŭ Kanavałava była depresija.
Na nastupny dzień Kanavałaŭ chadziŭ u traŭmapunkt da doktara, dzie toj jamu zašyŭ vieny. Doktaru jon skazaŭ, što heta była vytvorčaja traŭma. U adkaz na heta miedyk paraiŭ jamu nie chłusić, a ŭ vypadku paŭtoru incydentu paabiacaŭ pastavić Kanavałava na psichijatryčny ŭlik.
Taksama Kavaloŭ rastłumačyŭ, što paśla teraktu ŭ minskim mietro Kanavałaŭ źbiraŭsia skončyć žyćcio samahubstvam i pakazvaŭ tabletki žoŭtaha koleru z atrutnym rečyvam. Nakolki realnyja byli namiery skončyć samahubstvam i ŭ pieršym i ŭ druhim vypadku, Kavaloŭ nie viedaje.
