Brytanskaja jurydyčnaja firma McCue and Partners, jakaja raniej zajmałasia sudami suprać terarystyčnych hrupovak, inicyjuje sprobu raspačać pryvatny sudovy pieraśled Alaksandra Łukašenki,piša The Independent.
McCue and Partners dziejničajuć pa daručeńni ruchu Free Belarus Now, stvoranaha biełaruskimi dysidentami, a taksama svajakami źnikłych i katavanych.
Spačatku firma mierkavała raspačać praces suprać Łukašenki ŭ brytanskim sudzie, adnak dla hetaha treba, kab Łukašenka znachodziŭsia ŭ Brytanii. Tady jurysty pajšli inšym šlacham.
Jany źbirajucca apublikavać svajo«Kali jurysty pa ŭsim śviecie raspačnuć suprać Łukašenki sudovy pieraśled, jon zmoža padpaści pad ich jurysdykcyju», — kaža starejšy partnior firmy Džejsan68-staronkavaje daśje na Łukašenku i spadziajucca, što achviary łukašenkaŭskaha režymu, a taksama jurysty ŭ roznych krainach padaduć u sud na biełaruskaha kiraŭnika.
McCue and Partners pakul nie kažuć, ź firmami jakich krainaŭ jany płanujuć damaŭlacca, ale zrazumieła, što pryjarytetnymi buduć firmy Rasii, Vieniesueły, Vjetnama i krainaŭ Centralnaj Azii, z kiraŭnikami jakich u Łukašenki ciopłyja i pryjaznyja adnosiny.
Za apošnija šeść miesiacaŭ śledčyja sabrali dla McCue and Partners šakujučyja pakazańni ad niekatorych aryštavanych i źniavolenych u biełaruskich turmach, mnohija ź jakich padviarhalisia tam katavańniam, u tym liku ad kandydataŭ u prezidenty Uładzimira Niaklajeva i Alesia Michaleviča.
Kampanija spadziajecca, što heta stvoryć precedent u baraćbie suprać parušeńniaŭ pravoŭ čałavieka va ŭsim śviecie.
Adnak
toj fakt, što napačatku firma mieła raspačać sudovuju spravu ŭ Brytanii, a ciapier abmiažoŭvajecca zaklikam da jurystaŭ inšych krain, moža śviedčyć, što realnaj mahčymaści arhanizavać za miežami Biełarusi praces ab parušeńniach pravoŭ čałavieka ŭ našaj krainie, nie bačycca.
