Na čarhovuju akcyju maŭklivaha pratestu, jakaja prajšła 28 vieraśnia z 19.00 da 19.30 na placoŭcy kala cyrka ŭ Homieli, sabrałasia 10–15 čałaviek, jakija pieryjadyčna apładziravali.
Na placoŭcy kala cyrka taksama tradycyjna znachodzilisia supracoŭniki milicyi ŭ formie i cyvilnym. Akcyja prajšła biez zatrymańniaŭ. U 19.30 udzielniki akcyi razyšlisia.
«Nie viedaju, čamu mała ludziej, m
oža, hramadstva nie hatova pratestavać,— prakamientavaŭ udzielnik akcyi Dźmitryj Karaškoŭ. — Pakul ludzi sytyja, nakormlenyja, hladziać sieryjały pa televizary i tyja pieradačy, jakija pieraškadžajuć im dumać, to hramadstva nie budzie hatova da niejkich dziejańniaŭ. A kali ludzi dojduć da adčaju, tady jany sami buduć pradprymać niejkija dziejańni. Budučynia akcyi zaležyć ad samich ludziej, kali jany pačnuć zadumvacca ab tym, što čakaje ŭsich nas i našych dziaciej».
Bolš za tydzień tamu Karaškoŭ byŭ zatrymany milicyjaj za raspaŭsiudžvańnie ŭlotak ab maŭklivaj akcyi pratestu i pravioŭ pa rašeńni suda troje sutak u IČU. «Moj aryšt dadaŭ mnie aktyŭnaści, dakładniej, upeŭnienaści ŭ maich dziejańniach, ja ni ŭ čym nie raskajvajusia», — skazaŭ Karaškoŭ.
0
0
0
0
0
0
