Prakuratura nie raspačała spravy pa fakcie źbićcia źniavolenych ivacevickaj kałonii 2

Prakuratura Bresckaj vobłaści nie znajšła padstaŭ dla ŭzbudžeńnia kryminalnaj spravy ŭ dačynieńni da słužbovych asob, vinavatych u źbićci źniavolenych ivacevickaj kałonii № 5.

Taki adkaz atrymała z prakuratury infarmacyjna-aśvietnickaja ŭstanova «Płatforma».

Z prośbaj ab dapamozie ŭ IAU «Płatforma» źviarnułasia maci asudžanaha Ramiza Mamiedava, jaki znachodzicca ŭ hetaj kałonii. «Dakładna viadoma, što 27 lipienia ŭ PKT (pamiaškańnie kamiernaha typu) supracoŭniki kałonii žorstka źbili šaścioch źniavolenych. Dvoje źniavolenych byli dastaŭleny ŭ haradskuju lakarniu, adzin ź ich — na nasiłkach. Astatnim paciarpiełym dapamohu akazvali ŭ kałonii», — raspavioŭ dyrektar «Płatformy» Andrej Bandarenka.

Pavodle jaho słoŭ, «treba było čakać», što prakuratura nie znojdzie padstaŭ dla ŭzbudžeńnia kryminalnaj spravy ŭ dačynieńni da słužbovych asob VK-5. Adnak, paviedamiŭ jon, prakuratura «znajšła niešta inšaje, što da hetaha času zamoŭčvali supracoŭniki pienitencyjarnaj sistemy». Tak, Bandarenka adznačyŭ, što ŭ adkazie «paćvierdziŭsia sam fakt žorstkaha źbićcia asudžanych, i navat nazvanyja proźviščy — Mamiedaŭ, Kapličy i Jarachnovič».

«Ich źbili za psavańnie kamiernaha abstalavańnia: za sarvanyja kamiery videanazirańnia, jakija kantralory ŭstalavali prama nad tualetam»

, — skazaŭ Bandarenka.

Pavodle jaho infarmacyi, usie asudžanyja znachodzilisia ŭ roznych kamierach. Akramia taho, u adkazie prakuratury śćviardžajecca, što Mamiedaŭ byŭ źbity ŭ 7 hadzin 30 chvilin 26 lipienia na KPP-2, a videakamiera była paškodžanaja im u rajonie 22 hadzin 25 lipienia ŭ PKT № 2. «Uźnikaje całkam słušnaje pytańnie:

dzie znachodziŭsia Mamiedaŭ ŭ pramiežak času pamiž 22 hadzinami 25 lipienia i 7.30 ranicy 26 lipienia? Čamu jon byŭ źbity ŭ jakaści» vypraŭleńnia «praz 10 hadzin? Jak jon apynuŭsia na KPP-2, kali adbyvaje pakarańnie ŭ PKT?

», — zadaŭsia pytańniem Bandarenka.

«Całkam vidavočna, što źvierstvy supracoŭnikaŭ VK-5 zamoŭčvajucca prakuraturaj. Pravierka ŭstanaviła, što prymianieńnie fizičnaj siły i śpiecsrodkaŭ supracoŭnikami VK-5 pryznanaje zakonnym i abhruntavanym, prytym, što dziejańni asudžanych nie supravadžalisia prymianieńniem hvałtu da administracyi kałonii i nie byli nakiravanyja na parušeńnie niedatykalnaści kantraloraŭ i pryčynieńnie im cialesnych paškodžańniaŭ, pahroz prymianieńnia hvałtu ź ich boku nie vykazvałasia «, — adznačyŭ Bandarenka.

«Płatforma» nakiruje pa dadzienych faktach novyja skarhi ŭ Hienieralnuju prakuraturu, zajaviŭ jon.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH