Epidemija hrypu ŭ Biełarusi čakajecca ŭ zvyčajnyja charakternyja dla jaje terminy: kancy studzienia — pačatku lutaha. Pra heta paviedamiła hałoŭny epidemijołah Ministerstva achovy zdaroŭja Ina Karaban
Pavodle jaje słoŭ, epidemija hrypu čakajecca siaredniaj stupieni intensiŭnaści, buduć pieravažać virusy A (siezonny virus A (N1N1) i A (H3N2)) i B. U minułym siezonie epidemija pačynałasia ź pieravahi virusaŭ V, u jaje razhar pieravažali virusy A, zatym, pry źnižeńni intensiŭnaści, znoŭ adznačaŭsia hryp V. Chutčej za ŭsio, u nastupnym hodzie epidemija hrypu budzie hetkaj ža.
Karaban zajaviła, što aptymalnyja terminy imunizacyi suprać hrypu — da śniežnia.
Imunitet paśla pryščepki zachoŭvajecca maksimum da 6—8 miesiacaŭ.
Jak paviedamiła zahadčyca adździaleńnia imunaprafiłaktyki Respublikanskaha centra hihijeny, epidemijałohii i hramadskaha zdaroŭja Vieranika Šymanovič, na siońnia ŭ Biełarusi vakcyjanavanyja suprać hrypu ŭžo 15% nasielnictva — 1 młn. 400 tys. čałaviek. Zaviezieny ŭ Biełaruś abjom vakcyny dazvalaje achapić pryščepkami kala 28% nasielnictva, adnak pastaŭki praciahvajucca. Płanujecca, što da zakančeńnia kampanii pa imunizacyi ad hrypu pryščepiacca 30% nasielnictva.
Biaspłatna imunizujucca hrupy ryzyki. U ich liku ludzi z vysokaj ryzykaj uźniknieńnia ŭskładnieńniaŭ paśla praniesienaha hrypu: z chraničnymi zachvorvańniami, piensijaniery va ŭzroście bolš za 65 hadoŭ, a taksama ludzi z vysokaj ryzykaj zaražeńnia na hryp: miedyki, daškolniki i školniki pačatkovych kłasaŭ, dzieci i darosłyja, jakija pastajanna znachodziacca ŭ zakrytych kalektyvach i inš.
Usie žadajučyja taksama mohuć pryščapicca za košt asabistych srodkaŭ. Atrymać pryščepku možna ŭ luboj paliklinicy pa miescy žycharstva, u lubym miedycynskim centry. Aprača taho, niekatoryja pradpryjemstvy i arhanizacyi apłačvajuć imunizacyju svaich supracoŭnikaŭ.
Šymanovič rekamienduje pryščapicca za košt asabistych srodkaŭ ciažarnym žančynam i ludziam, u siemjach jakich jość dzieci da 6 miesiacaŭ: takim dzieciam pryščepki nie pakazany, ale ŭ vypadku zaražeńnia hryp moža praciakać z uskładnieńniami.
Jak zaznačyła Šymanovič, vakcynacyja suprać hrupu nie abaraniaje suprać zachvorvańnia poŭnaściu, a praduchilaje raźvićcio ŭskładnieńniaŭ. Z usich zachvareŭšych na hryp padčas epidemii tolki 5% pryščepleny suprać jaho.
Pavodle słoŭ śpiecyjalista, raspaŭsiudžańnie hrypu značna źnižajecca, kali pryščepku atrymali 40% školnikaŭ. Dla taho kab poŭnaściu spynić raspaŭsiudžańnie hrypu, pavinny być pryščepleny 75% nasielnictva. Adnak nivodnaja kraina nie dasiahaje hetaha pakazčyka.
