Miascovyja ŭłady razam z "Sajuzam piśmieńnikaŭ Biełarusi" buduć kuryravać mierapryjemstvy z udziełam litarataraŭ va ŭniversytetach, technikumach, škołach dy inšych ustanovach adukacyi.
Heta vynikaje ź piśmovaha rasparadžeńnia ministra adukacyi Alaksandra Radźkova, jakoje atrymali načalniki ŭpraŭleńniaŭ adukacyi abłvykankamaŭ, staršynia kamitetu pa adukacyi Mienskaha harvykankamu, kiraŭniki ŭstanoŭ siaredniaj specyjalnaj i vyšejšaj adukacyi. U liście paviedamlajecca, što "ŭ suviazi z stvareńniem HA "Sajuz piśmieńnikaŭ Biełarusi" (staršynia N.I.Čarhiniec) daručajem pryniać miery pa niedapuščeńni praviadzieńnia ŭ adukacyjnych ustanovach mierapryjemstvaŭ pa linii HA "Sajuz biełaruskich piśmieńnikaŭ", inšych mierapryjemstvaŭ z udziełam litaraturnych dziejačaŭ biez uzhadnieńnia ź miascovymi orhanami ŭłady". "Z metaju prapahandy mastackaj litaratury, arhanizacyi efektyŭnaj raboty pa idealahičnym i duchoŭnym vychavańni navučenskaj i studenckaj moładzi, - havorycca dalej u rasparadžeńni A.Radźkova, - daručajem zabiaśpiečyć praviadzieńnie tvorčych sustrečaŭ ź piśmieńnikami, inšych kulturna-masavych mierapryjemstvaŭ z udziełam tolki pavodle ŭzhadnieńnia z HA "Sajuz piśmieńnikaŭ Biełarusi".
Pracytavany list ministra adukacyi mnie daŭ pračytać siabra viciebskaha adździaleńnia CBP, viadomaja ŭ litaraturnych kołach asoba. Ale jon nie pažadaŭ nazyvać dla ŚMI svajo proźvišča. Piśmieńnik skazaŭ, što analahičny zahad atrymali taksama kiraŭniki ŭstanoŭ kultury, i nazvaŭ heta "siaredniaviečnym ciskam na litarataraŭ".
Naprykład, jak ža siabry navastvoranaha "Sajuzu piśmieńnikaŭ Biełarusi" "praciahvajuć tradycyi Kołasa i Kupały": 9 lutaha biełaruskamoŭny dziciačy sadok №72 (a takich ustanoŭ u Viciebsku ŭsiaho dźvie) naviedali try rasiejskamoŭnyja litaratary. Vychavancy zadavali im pytańni na rodnaj movie, a piśmieńniki adkazvali dzieciam i čytali svaje tvory pa-rasiejsku.
Adzin ź ich pytajecca ŭ maleńkich:
- A kto samyj hłavnyj na śvietie?
- Voŭk, - nie razhubilisia tyja.
- Niet, dietki, sołncie!
Nu dobra choć, što nie prezydent. Bo ŭ adnoj ź viciebskich škołaŭ napiaredadni śviata zakachanych vydumali rabić "valancinki" biełaruskim zorkam nakštałt Maksima Mirnaha. Asabliva vykštałconuju padrychtavali dla prezydenta.
Vizyt siabroŭ SPB u sadok aśviatlali potym dźvie miascovyja dziaržaŭnyja hazety, a taksama radyjo i telebačańnie. Hetkaha pradstaŭnictva dziaržaŭnych ŚMI nia mieli navat Uładzimier Arłoŭ, Nił Hilevič i Hienadź Buraŭkin padčas ich raniejšych vystupaŭ u Viciebsku, u abłasnoj biblijatecy.
