10 kastryčnika ŭ sudzie nad Dźmitryjem Kanavałavym i Uładzisłavam Kavalovym była dapytana siastra apošniaha Taćciana Kaziakova. Jana prachodzić u jakaści śviedki pa padziejach u Viciebsku ŭ pieršaj pałovie
U pryvatnaści, razmova idzie ab uzharańni aŭtamašyny ŭ dvary doma, dzie žyvuć Kavalovy, rańniaj viasnoj 2005 hoda. Sama Taćciana datu zdareńnia nie pamiataje. Jak vyśvietliłasia, ab tym, što pažar adbyŭsia mienavita viasnoj 2005 hoda, na papiarednim śledstvie joj skazaŭ śledčy. Sudu jana patłumačyła, što padčas pažaru razam z bratam znachodziłasia doma i bačyła jaho z akna kvatery. Paźniej hety pažar z bratam jany nie abmiarkoŭvali.
Kaziakova zajaviła, što ŭzajemaadnosiny brata z Kanavałavym jaje nie cikavili. Pavodle jaje słoŭ, Kanavałaŭ byvaŭ u ich doma redka. Ci časta jany sustrakalisia, skazać nie zmahła. Pry hetym Kaziakova adznačyła, što ich maci adnosiny syna z Kanavałavym «nie vielmi padabalisia», bo kali jon išoŭ ź im hulać, viartaŭsia vypiŭšy. Pra chobi Kanavałava brat siastry ničoha nie raskazvaŭ. Pra niejkija piratechničnyja zachapleńni samoha Uładzisłava jana nie viedaje, nijakich chimičnych reaktyvaŭ u domie nie bačyła.
Na prośbu dziaržabvinavaŭcaŭ acharaktaryzavać brata Kaziakova skazała:
«Spahadlivy, adkazny, ź siabie apošniuju kašulu źnimie, kab dapamahčy. Kiepskaha ničoha nie mahu skazać».Vymaŭlajučy hetyja słovy, Taćciana ledź nie zapłakała. Na pytańnie sudździ Alaksandra Fiedarcova, ci moh by brat u
Na pytańnie, čym cikaviŭsia Uładzisłaŭ Kavaloŭ, siastra adkazała, što toj zachaplaŭsia psichałohijaj, šmat čytaŭ fantastyki, źbiraŭsia adkryć svaju spravu. Jana paviedamiła pryčyny adjezdu Kavalova ŭ Minsk: jon źbiraŭsia pastupić na kursy mieniedžmientu.
Ci chacieŭ jon zastacca pastajanna žyć u stalicy, siastra nie viedaje. Jon zastaŭsia ŭ Minsku, kali zdoleŭ znajści dobruju pracu i pačaŭ niakiepska zarablać. Uładkavacca na kursy nie atrymałasia, skazała Taćciana.
