Adnaviŭsia prodaž valuty na zakupku impartnych lekavych srodkaŭ pa kursie Nacyjanalnaha banka.
Kanviersavańnie valuty pa kursie Nacbanka dla nabyćcia impartnych lekaŭ było prypyniena paśla taho, jak 10 kastryčnika hałoŭny bank krainy raspaŭsiudziŭ list, jakim pradpisaŭ kuplać valutu dla impartu lekaŭ nie na asnoŭnaj, a na dadatkovaj biržavoj siesii. Siońnia prodaž valuty pa kursie Nacbanka dla zakupki miedykamientaŭ adnaviŭsia. Adpaviedna, zajavili ŭ Ministerstvie achovy zdaroŭja,
istotnaha padaražańnia impartnych lekaŭ abo ich deficytu ŭ biełaruskich aptekach nie čakajecca.
U ministerstvie taksama paviedamili ab płanach źmianić paradak pieraacenki lekaŭ. Zaraz Ministerstva achovy zdaroŭja pravodzić pieraacenku lekavych srodkaŭ u 1-y dzień kožnaha miesiaca, što zaćvierdžana ŭkazam prezidenta № 366. U suviazi z hetym niekatoryja dystrybjutary lekaŭ adkładvajuć ich pastaŭki da 1-ha dnia, kab pradać tavar pa bolš vysokaj canie. Kab paźbiehnuć mahčymych pierabojaŭ u pastaŭkach lekavych srodkaŭ, płanujecca dazvolić ich pieraacenku pa miery nieabchodnaści. Dla hetaha buduć uniesieny źmieny va ŭkaz prezidenta.
Štotydniova pravodzicca manitorynh najaŭnaści lekaŭ u aptekach, paviedamlajuć u Ministerstvie achovy zdaroŭja. Praviedziena najaŭnaść preparataŭ dla lačeńnia hrypu i VRVI, što aktualna napiaredadni prahnazavanaha ŭzdymu zachvorvańnia.
Aptečnyja sietki zabiaśpiečany nieabchodnymi lekami ŭ poŭnym abjomie,nijakich tryvožnych tendencyj nie vyjaŭlena, padkreślili ŭ ministerstvie.
