Prezidenty Rasii i Biełarusi Dźmitryj Miadźviedzieŭ i Alaksandr Łukašenka abmierkavali ŭ piatnicu pa telefonie pytańni «intehracyjnaha ŭzajemadziejańnia na jeŭrazijskaj prastory», paviedamlaje RIA Naviny sa spasyłkaj na pres-słužbu Kramla.
«Prezidenty abmierkavali praktyčnyja pytańni intehracyjnaha ŭzajemadziejańnia na jeŭrazijskaj prastory ŭ śviecie majučaha adbycca 19 kastryčnika ŭ Sankt-Pieciarburhu pasiadžeńnia vyšejšaha orhana Mytnaha sajuza na ŭzroŭni kiraŭnikoŭ uradaŭ i nastupnych samitaŭ Mytnaha sajuza i JeŭrAzES u śniežni ŭ Maskvie», — havorycca ŭ paviedamleńni pres-słužby.
Udzielnikam pasiadžeńnia vyšejšaha orhana Mytnaha sajuza ŭ Sankt-Pieciarburhu treba budzie razhledzieć prajekt dekłaracyi ab farmiravańni Jeŭrazijskaha ekanamičnaha sajuza, abmierkavać chod uzhadnieńnia prajekta dahavora ab kamisii Mytnaha sajuza, zasłuchać infarmacyju ab nabyćci mocy mižnarodnymi damovami, jakija farmujuć Adzinuju ekanamičnuju prastoru Biełarusi, Kazachstana i Rasii.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
