U redakcyju «Našaj Nivy» źviarnułasia čytačka z Zasłaŭja. Jana padzialiłasia ŭražańniami ad pachodu ŭ miascovuju palikliniku.
Jaje ŭraziła toje, što u kabiniecie hiniekołaha joj najpierš prapanavali zajści ŭ apteku palikliniki, kab nabyć tam humovyja palčatki. Raniej takoha ŭ zasłaŭskaj paliklinicy nie praktykavali, kaža čytačka. Jana była nie adzinaj, kaho ździviła hetaja inicyjatyva. Akramia jaje, u apteku nakiravali jašče troch naviednic.
Žančyn aburyła toje, što ich nichto nie papiaredziŭ pra novaŭviadzieńnie. Tym bolš, što farmalna naviedvańnie hiniekołaha źjaŭlajecca biaspłatnaj pasłuhaj.
Ad Redakcyi
Na adnoj z pres-kanfierencyj Alaksandr Łukašenka zajaviŭ: «Niejak ja biełarusam skazaŭ, jakija kažuć, voś na Zachadzie atrymlivajuć 2000 dalaraŭ, a ŭ nas tady było ŭ ekvivalencie 500 dalaraŭ i hetak dalej. Ja kažu: dobra. Ja zhodny na taki ŭzrovień zarpłaty — kala 2000, ale za ŭsio budziecie płacić, jak na Zachadzie». Vypadak ŭ zasłaŭskaj paliklinicy śviedčyć, što dziaržaŭnaja miedycyna ŭ Biełarusi robicca ŭsio bolš kamiercyjnaj. Biełarusy ŭžo zvyklisia z praktykaj, kali ŭ balnicu z saboj treba brać chatniuju vopratku i posud, nabyvać šprycy dla injekcyj i h.d. I pry hetym u Biełarusi nie toje, što nie pačali «płacić, jak na Zachadzie», ale i pra chvalonyja 500 dalaraŭ paśpieli zabycca. Voś i atrymlivajecca: pačynajem płacić, jak na Zachadzie, a zarablajem pa-raniejšamu, jak u Biełarusi.
