Alaksandr Łukašenka ŭ bližejšy čas naviedaje Rasiju, paviedamiŭ prezident Dźmitryj Miadźviedzieŭ.
Pra heta jon skazaŭ 14 kastryčnika ŭ dziaržaŭnym Kramloŭskim pałacy ŭ Maskvie, dzie vinšavaŭ z prafiesijnym śviatam pracaŭnikoŭ vioski.
Adzin z udzielnikaŭ sustrečy, pivavar pa prafiesii, paskardziŭsia prezidentu Rasii na toje, što biełaruskija vytvorcy piva znachodziacca ŭ bolš vyhadnym stanoviščy, bo płaciać mienšy padatak. «Ź litra akcyz biełarusy płaciać 2 rubli, a my — 10 rubloŭ. Atrymlivajucca kaeficyjenty takija, što jany svabodna zachodziać na rasijski rynak», — skazaŭ jon.
«Pryjedzie chutka prezident Biełarusi, pahavorym i pra heta», — paabiacaŭ Miadźviedzieŭ.
Na pytańnie, ci možna na jaho spasłacca, Miadźviedzieŭ adkazaŭ: «Spašliciesia, kali budziecie ź biełarusami razmaŭlać. Nasamreč, Łukašenka chutka pryjedzie».