Biełaruska‑rasijskaje sumiesnaje pradpryjemstva na bazie AAT «Biełtranshaz» budzie stvorana raniej za namiečany termin. Ab hetym paviedamiŭ siońnia karespandentu BIEŁTA namieśnik ministra ekanomiki Biełarusi Aleh Mielnikaŭ.
Zaviaršyć stvareńnie SP płanavałasia da 1 červienia 2007 hoda. «Ja dumaju, što heta adbudziecca raniej», — skazaŭ namieśnik ministra ekanomiki.
Pavodle jaho słoŭ, da hetaha času ŭsie pryncypovyja ŭmovy pa hetamu dahavoru ŭzhodnieny, zastałosia vyrašyć techničnyja pytańni, źviazanyja z zaklučeńniem samoha dahavora. Heta kankretyzacyja ŭmoŭ płaciažoŭ, sacyjalnyja pytańni, uniasieńnie źmianieńniaŭ va ŭstanoŭčyja dakumienty. «Usio heta — zvyčajnyja pracedurnyja momanty», ‑ padkreśliŭ Aleh Mielnikaŭ.
Namieśnik ministra ekanomiki dadaŭ, što ciapier idzie padrychtoŭka nieabchodnych dakumientaŭ, razhlad ich uradami dźviuch krain. Zatym adbudziecca pracedura pieradačy 50 pracentaŭ akcyj rasijskamu boku.
Nahadajem, što 31 śniežnia 2006 hoda Biełaruś i Rasija padpisali pratakoł ab stvareńni sumiesnaha pradpryjemstva na bazie AAT «Biełtranshaz», zhodna ź jakim «Hazpram» vykupić 50 pracentaŭ akcyj «Biełtranshazu». Da 1 červienia 2007 hoda «Hazpram» i «Biełtranshaz» pavinny stvaryć sumiesnaje pradpryjemstva.
