Dla pačatku pieramoŭ ab prahramie finansavaj padtrymki z boku Mižnarodnaha valutnaha fondu biełaruskimi ŭładami pavinny być zrobleny pierakanaŭčyja kroki ŭ ekanamičnaj palitycy,zajaviŭ kiraŭnik misii MVF u Biełarusi Krys Džarvis 17 kastryčnika na bryfinhu ŭ Minsku.
Misija MVF pa acency ekanamičnaj palityki pracavała ŭ Biełarusi z 5 pa 17 kastryčnika.
«Ciapier my čakajem, kab urad i Nacbank ažyćciavili peŭnyja dziejańni. My zacikaŭlenyja ŭ dziejańniach pa šerahu kirunkaŭ ekanamičnaj palityki, — adznačyŭ Džarvis. — Mahu skazać, što ŭrad i Nacbank ich pačali rabić. Naprykład, zajava ab vychadzie na adziny kurs — heta krok napierad».
Akramia taho, pavodle słoŭ Džarvisa,
ekśpierty MVF taksama chacieli b pahladzieć, jakujuhrašova-kredytnuju palityku ŭrad i Nacbank prapanujuć na nastupny hod i ci buduć hetyja rekamiendacyi padtrymanyja prezidentam Biełarusi.
«My pakul što nie padyšli da etapu, pry jakim abmiarkoŭvałasia b suma kredytu», — padkreśliŭ Džarvis.Tyja sumy, jakija raniej nazyvalisia (ad 3 da 7 młrd dołaraŭ), — heta była acenka ŭrada, dadaŭ jon.
Kiraŭnik misii taksama adznačyŭ, što
MVF nie stavić nijakich palityčnych umoŭ.«Pierš čym prapanoŭvać prahramu, my pavinny pierakanacca, što vykanaŭčyja dyrektary padtrymajuć jaje, a vykanaŭčyja dyrektary pradstaŭlajuć krainy — členy fondu, jakich kala 180. Adnak u chodzie pieramoŭ my zajmajemsia vyklučna ekanamičnymi pytańniami», — padkreśliŭ Džarvis.
Pavodle jaho słoŭ, MVF nie robić prahnozaŭ adnosna abmiennaha kursu. «Nas zaniepakoiła devalvacyja apošnim časam, što było źviazana z vysokaj inflacyjaj.
Nieabchodna vyrašać prablemu inflacyi, jakaja sparadžaje devalvacyjnyja čakańni», — skazaŭ Džarvis.
U MVF ličać, što va ŭrada i Nacbanka jość instrumienty dla kantrolu devalvacyi i inflacyi. «Heta stanoŭčyja ŭ realnym vyražeńni pracentnyja staŭki, abmiežavańni pa biudžecie i kredytavańni ŭ ramkach dziaržaŭnych prahram i abmiežavańni rostu zarpłaty», — kankretyzavaŭ kiraŭnik misii fondu.
