Lidski historyka-mastacki muziej pradstaviŭ unikalny prajekt «Chruščoŭka 60-ch», paviedamlaje lida.info. Prajekt ujaŭlaje saboj pakoj, aformlenuju ŭ styli 60-ch hadoŭ. «Chruščoŭki» — panelnyja abo cahlanyja troch-piacipaviarchovyja damy, jakija budavalisia ŭ SSSR padčas praŭleńnia Mikity Siarhiejeviča Chruščova i atrymali ŭ narodzie jaho imia. Ciesnata, nizkija stoli, słabaja hukaizalacyja ŭnutranych ścien — voś asablivaści chruščoŭki. U muziei sabrali praktyčna ŭnikalnyja rečy i pradmiety pobytu taho času, pradumali interjer da drobiaziaŭ. Usio ŭ pakoi mienavita tak, jak było paŭstahodździa tamu.
Čas pracy vystavy: z 9.00 da 18.00. Vychadny: paniadziełak.
Adras: Hrodzienskaja vobłaść, h. Lida, vuł. Pieramohi, 37a
Košt kvitka: 1 000 rub.
