Ivan (Jan) i Nastaśsia — samyja papularnyja dziciačyja imiony ŭ Biełarusi 2

Samaja vysokaja naradžalnaść u Biełarusi ŭ 2011 hodzie zarehistravana ŭ Minsku — bolš jak 17 tys. novanarodžanych, paviedamili ŭ pres-słužbie Ministerstva justycyi. Za dzieviać miesiacaŭ hetaha hoda zahsy stalicy zarehistravali 192 dvojni. U piaci siemjaŭ naradzilisia trojni.

Štohod orhany zahsa rehistrujuć amal 100 tys. aktaŭ ab naradžeńni. Za studzień-vierasień biahučaha hoda zahsy zrabili amal 80 tys. zapisaŭ ab naradžeńni. Siarod abłaściej pieršaje miesca pa rehistracyi naradžeńnia zajmaje Bresckaja vobłaść, dzie składziena amal 13 tys. aktaŭ.

Samymi papularnymi imionami, vybranymi baćkami dla chłopčykaŭ, stali Ivan, Maksim, Mikita, Arciom, Jahor; dla dziaŭčynak — Nastaśsia, Darja, Palina, Lizavieta.

Siarod redkich imion, vybranych baćkami dla svaich dziaciej, u Miniuście nazvali takija, jak Hardziej, Chryścijan, Klimiencij, Ahnija, Alivija.

Siaredni ŭzrost baćkoŭ novanarodžanych składaje 28–29 hadoŭ, maci — 25–26 hadoŭ. Samaj maładoj mamie, jakaja zarehistravała naradžeńnie dziciaci, spoŭniłasia 15 hadoŭ, a samamu maładomu baćku — 16 hadoŭ. Samym starejšym baćkam staŭ 73-hadovy žychar horada Minska, a samaj starejšaj maci — 51-hadovaja žančyna.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH