Kab razabracca ŭ hetaj źjavie, my źviarnulisia da pradstaŭnika pakaleńnia chipstaraŭ.
«Naša Niva»: Chto takija chipstary?
Ivan Voranaŭ: Nasamreč chipstaraŭ nie isnuje, a ŭsia hetaja šumicha — prosta jašče adzin zachad pa vymańni hrošaj z baćkoŭskich kišeniaŭ. Kali tłumačyć, to chipstar — heta spažyviec niejkaj mody, jakaja nibyta «nie dla ŭsich». Moda na duchoŭnyja bahaćci, na tonki hust i niepieraadolnuju ciahu da ŭsiaho niekamiercyjnaha, redkaha.
«NN»: Čym chipstarstva adroźnivajecca ad inšych moładzievych subkultur?
IV: U asnovie svajoj — ničym. Jak i lubaja cacka dla moładzi, chipstarstva maje asnoŭnaj metaj być nie jak usie, nie być u mejnstrymie. Adroźnieńnie chiba ŭ tym, što jano vymahaje być razumnym i «niezaležnym» ci chacia b padavacca takim. Heta značyć, što chipstaru treba pračytać chacia b adnu knižku jakoha-niebudź kontrkulturnaha aŭtara, pahladzieć chacia b adzin artchaŭzny film, pasłuchać chacia b adzin hurt, pra jaki viedaje mienš za sotniu čałaviek. Ale možna abmiežavacca prosta vyhladam duchoŭna bahataha čałavieka.
«NN»: Ci možna śćviardžać, što chipstary — mietraseksuały?
IV: Na maju dumku, mietraseksuałam možna nazyvać luboha maładoha čałavieka, jakomu jašče nie pašancavała ažanicca. Kab być modnym siarod chipstaraŭ, zusim nie abaviazkova addavać šmat času svajoj źniešnaści. Dla ich całkam naturalna mieć krychu dziŭnavaty źniešni vyhlad, staryja (zusim dobra, kali dziedavy ci babiny) rečy, rastrapanyja vałasy, baradu, niejkija inšyja retra-elemienty. Robicca ŭsio heta, kab padčapić jakuju-niebudź dziaŭčynu.
«NN»: Jak vyhladaje typovy chipstar?
IV: Chutčej za ŭsio heta budzie kašula ŭ kletku, vuzkija nahavicy, ciomnyja akulary z 80-ch (mahčyma, biez dyjoptryj ci navat biez škła), kardyhan, palito, kapialuš, samyja roznyja cišotki, abutak nakštałt top-sajdaraŭ ci śliponaŭ (siaredniaje pamiž pamiž kiedami i tuflami). Chipstar pavinien lubić retrarečy z 80-90-ch: pałaroidy, staryja baćkoŭskija rečy, zienity, staryja fota. Uzrost — starejšaja škoła, univier i krychu paśla. Mabyć, studentaŭ asabliva šmat. Dziaŭčat, darečy, bolej. Adukacyja — humanitaryj. U ideale — fiłasofija, žurnalistyka, psichałohija, muzyka, fatohraf.
«NN»: Čamu šmat u kaho niehatyŭnaje staŭleńnie da chipstaraŭ?
IV: Biełaruskaje hramadstva tak stavicca da ŭsiaho novaha. Na zachadzie što-niebudź źjavicca, razaŭjecca i ŭžo pačnie źnikać, a ŭ nas pra heta tolki pačuli. Biełaruś zachrasła niedzie ŭ 90-ch i nikudy nie śpiašajecca.
Asabista ja da hetaj kultury staŭlusia stanoŭča — viadoma ž, usio robicca dziela hrošaj, ale ž moda prymusiła šmat kaho pačać čytać, hladzieć kino nie z Halivuda, cikavicca čymści akramia buchła i cyharetaŭ, znajści niezvyčajnaje chobi. Heta dobra.
«NN»: Dzie zvyčajna možna sustreć biełaruskich chipstaraŭ?
IV: U «Vkontaktie» i Tvitary, dzie jany mierajucca duchoŭnym bahaćciem praź niezvyčajnyja malunki, redkija zapisy i statusy z «hłybokim» sensam. Nu jašče ŭ miescach, dzie robiać kavu na vynas. Ale chipstarami siabie nie nazyvajuć. Kali chto-niebudź kaža vam, što jon chipstar, to, chutčej za ŭsio, jon złosny trol, jaki ździekujecca z pryncypaŭ i samoj kultury. Nichto pra heta nie kaža, bo treba ž być nie jak usie.
«NN»: Ci stasujecca «chipstar» ź biełaruskaj movaj?
IV: Biełaruskaja mova stasujecca z usim! Usie movy śvietu padychodziać da ŭsiaho, u tym liku i biełaruskaja.
* * *
Ivan pra siabie
22 hady, vučusia ŭ BDU. Pracuju ŭ IT śfiery. Humanitaryj. Ad baćki zastałosia šmat viniłaŭ, tamu ź dziacinstva padsieŭ na muzyku. Lublu čytać, lublu pank pieršaj chvali i postpank. Tak pastupova kapaŭ-kapaŭ, potym mianie paznajomili ź niečym nakštałt indzi.
Top-10 «chipstarskich» filmaŭ
- 1. Viečnaje źziańnie čystaha rozumu
2. Sałdaty niaŭdačy
3. Factory Girl
4. Pył
5. Heta Anhlija!
6. Rekvijem pa mary
7. 99 frankaŭ
8. Na ihołcy
9. Amierykanskaja historyja Ch
10. Sin Nombre
- Top-10 «chipstarskich» aŭtaraŭ
1. Čak Pałanik
2. Viktar Pialevin
3. Frydrych Biehbieder
4. Uiljam Bieroŭz
5. Karłas Kastanieda
6. Tajša Abielar
7. Ru Murakami
8. Kien Kizi
9. Oskar Uajłd
10. Žorys Karł Hiuismans
