Žychary Homielskaj vobłaści masava vyvoziać u Rasiju koniej i karoŭ. Jak paviedamiŭ načalnik adździaleńnia pa raskryćci rabavańniaŭ, razbojnych napadaŭ i kradziažoŭ UUS Homielskaha abłvykankama Pavieł Šviedaŭ, 19 kastryčnika supracoŭniki ŭpraŭleńnia pa baraćbie z arhanizavanaj złačynnaściu i karupcyjaj zatrymali hruzavy aŭtamabil, što nakiroŭvaŭsia ŭ RF, u kuzavie jakoha znachodziłasia kala 30 koniej i karoŭ. Pryčym niekatoryja žyvioły byli skradzienymi.
«U Rasii ceny na miasa žyvoj vahoj značna vyšejšyja, tamu niekatoryja pradprymalniki, fiermiery dy i prostyja hramadzianie zanialisia takim biźniesam —skuplajuć u Homielskaj vobłaści žyviołu i pieravoziać u RF. Jany navat nie cikaviacca, skradzienyja koni ci nie», — rastłumačyŭ Šviedaŭ.
Pavodle jaho słoŭ, taksama 19 kastryčnika ŭ Rahačoŭskim rajonie byŭ zatrymany cyhan, jaki vykraŭ u Karmianskim rajonie čatyroch koniej. «Jon razam z žonkaj vioŭ žyvioł z Karmianskaha ŭ Rahačoŭski rajon, pa darozie adnaho kania paśpieli pradać.
Apieratyŭniki 20 km išli pa śledzie za kanakradam, ipaviedamiŭ milicejski čynoŭnik.ŭsio-taki dahnali jaho», —
16 kastryčnika dobrušskaja milicyja pa śledzie aŭtamabila šukała troch źnikłych koniej. Zatrymali kanakradaŭ na terytoryi Rasii, dzie jany ŭžo paśpieli pradać koniej.
