21 kastryčnika ŭ Minsku prajšła akcyja salidarnaści z palitviaźniami. Fota Siarhieja Hudzilina.
21 kastryčnika ŭ Minsku prajšła akcyja salidarnaści z palitviaźniami. Fota Siarhieja Hudzilina.
21 kastryčnika ŭ Minsku prajšła akcyja salidarnaści z palitviaźniami. Fota Siarhieja Hudzilina.
21 kastryčnika ŭ Minsku prajšła akcyja salidarnaści z palitviaźniami. Fota Siarhieja Hudzilina.
21 kastryčnika ŭ Minsku prajšła akcyja salidarnaści z palitviaźniami. Fota Siarhieja Hudzilina.
21 kastryčnika ŭ Minsku prajšła akcyja salidarnaści z palitviaźniami. Fota Siarhieja Hudzilina.
19.46
Pačynajuć pracavać niedasiažnyja ŭ časie akcyi sajty.
19.42 Fotareparcior NN Siarhiej Hudzilin kaža, što ŭ časie zatrymańnia aktyvista milicyjanty nadzvyčaj hruba dziejničali ŭ dačynieńni da reparcioraŭ: bili na nahach, pa fotatechnicy, šturchalisia.
19.37
Na Kastryčnickaj zastiecca kala 15-20 udzielnikaŭ akcyi. Ludzi pačynajuć razychodzicca.
19.30
Na Płoščy pakul usio spakojna. Pahrozy padahnać aŭtobus zastalisia pahrozami. Na akcyju pryjšli mamy Iryny Chalip i Andreja Sańnikava. Kala ich adrazu ž źjaviŭsia Jaŭsiejeŭ i papiaredziŭ, što tut nie miesca dla sustreč.
19.18
Pałkoŭnik Jaŭsiejeŭ daŭ udzielnikam akcyi 2 chviliny, kab razyścisia. Žurnalistam paraiŭ adyści ŭ bok i vyklikaŭ pa racyi aŭtobus. Na Płoščy znachodzicca kala 50 udzielnikaŭ akcyi.
19.16
Ad pačatku nie pracujuć sajty charter97.org, svaboda.org i belaruspartisan.org, a taksama Vkontaktie.
19.13
Pa słovach našaha karesnadenta, ludzi abmiarkoŭvajuć nie tolki los palitviaźniaŭ, ale i ekanamičnuju situacyju ŭ krainie. U pryvatnaści, rost cen.
19.09
Pačalisia zatrymańni. Ludzi adbili adnaho z maładych ludziej, jakoha schapili asoby ŭ cyvilnym. Uspychnuła karotkaja bojka. Druhoha adbivali da samaha mikraaŭtobusa, ale nie zdoleli. Heta Alaksandr Vałancevič, aktyvist «Jeŭrapiejskaj Biełarusi». Žančyna pasprabavała prademanstravać ulotku z tekstam «Svabodu palitviaźniam», ale «cichary» vyrvali jaje.
Na płoščy ŭ miescy praviadzieńnia akcyi ahułam znachodzicca kala 100 čałaviek, razam z žurnalistami i milicyjantami. Udzielnikaŭ kala dvuch dziasiatkaŭ. Ź imi razmaŭlaje Ihar Jaŭsiejeŭ.
18.55
Jak paviedamlaje karespandent «NN», na dadzieny momant na Kastryčnickaj płoščy sabrałasia niekalki dziasiatkaŭ pradstaŭnikoŭ presy. Zaŭvažanyja i «cichary», u dvarach stajać milicejskija aŭtobusy. Dostup na płošču volny. Udzielnikaŭ akcyi ad prostych minakoŭ adroźnić pakul składana.
* * *
21 kastryčnika ŭ Minsku aktyvistami hramadzianskaj kampanii «Jeŭrapiejskaj Biełarusi» zapłanavanaja akcyja salidarnaści z palitźniavolenymi. Jana pavinna prajści na Kastryčnickaj płoščy stalicy.
U piatnicu ŭ Minsku adbylisia previentyŭnyja zatrymańni patencyjnych udzielnikaŭ mierapryjemstva.
