Kansiervatyŭna-chryścijanskaja partyja BNF atrymała dazvoł ad Minharvykankama na priaviadzieńnie miemaryjalnaha šeścia ŭ Łošycy 6 listapada.
Zbor udzielnikaŭ zapłanavany a 12:00 la Pałaca kultury «Łošycki» (vulica Majakoŭskaha, 129). Zatym adbudziecca šeście da miesca pachavańnia achviaraŭ stalinskich represij u łošyckim jary, dzie a 13-j hadzinie projdzie mitynh.
Šeście ŭ Łošycy na «Dziady» — tradycyjnaja akcyja pamiaci prodkaŭ, jakuju Kansiervatyŭna-chryścijanskaja partyja BNF pravodzić kala dvaccaci hadoŭ. «Dziady» ŭ Łošycy štohod adbyvajucca paśla masavaha šeścia da miesca pachavańnia achviaraŭ stalinskich represij u Kurapatach.
Jak paviedamiŭ adzin ź lidaraŭ partyi Valery Bujvał, sioletniaje šeście i mitynh u Łošycy projduć pavodle stałaj tradycyi: z transparantami, bieł-čyrvona-biełymi ściahami, kvietkami i śviečkami.
