Praces pa spravie ab spahnańni padatkaŭ z pravaabaroncy Valancina Stefanoviča pačniecca 15 listapada ŭ sudzie Partyzanskaha rajona Minska.
Jak paviedamiŭ Stefanovič, 2 listapada jamu pryjšła iskavaja zajava z suda. Jon adznačyŭ, što za čas razhladu pa spravie pienia pavialičyłasia z 6 da 9 młn. rubloŭ i,
takim čynam, ź jaho pasprabujuć spahnać prykładna 41 młn. rubloŭ.
* * *
19 kastryčnika Stefanovič byŭ aštrafavany inśpiekcyjaj pa padatkach i zborach Partyzanskaha rajona stalicy na 4 młn. 750 tys. rubloŭ. Inśpiekcyja paličyła, što jon parušyŭ zakanadaŭstva «pa nieaściarožnaści». Pravaabaronca pryznany vinavatym u pravaparušeńni, praduhledžanym artykułam 13.6 Kodeksa ab administracyjnych pravaparušeńniach (niavypłata ci niapoŭnaja vypłata padatkaŭ).
Padatkovaja inśpiekcyja Partyzanskaha rajona maje namier spahnać sa Stefanoviča 31 młn. 500 tys. rubloŭ nibyta ŭtojenaha padatku, a taksama pieni. Suma raźličana ź jaho zamiežnych rachunkaŭ, infarmacyja pra jakija była pieradadziena ŭ Biełaruś ź Litvy.
Stefanovič abskardziŭ u sudzie rašeńnie padatkovaj inśpiekcyi.
