KCHP-BNF atrymała dazvoł na praviadzieńnie šeścia 6 listapada 4
Zbor udzielnikaŭ dazvoleny ŭ 12.00 kala Doma kultury kamvolnaha kambinata na vulicy Majakoŭskaha.
Kansiervatyŭna-chryścijanskaja partyja — BNF atrymała dazvoł Minharvykankama na praviadzieńnie šeścia i mitynhu 6 listapada. Pra heta paviedamiŭ adzin z zajaŭnikaŭ akcyi namieśnik staršyni KCHP-BNF Juryj Bieleńki.
Pavodle jaho słoŭ, šeście projdzie pa tradycyjnym maršrucie.
«Zbor udzielnikaŭ dazvoleny ŭ 12.00 kala Doma kultury kamvolnaha kambinata na vulicy Majakoŭskaha. Paśla hetaha — šeście pa vulicy Majakoŭskaha da pamiatnaha kryža ŭ Łošyckim jary, i tam paśla zakančeńnia šeścia — mitynh», —
paviedamiŭ Bieleńki.
Nahadajem, ź inicyjatyvy KCHP-BNF 30 listapada prajšło šeście z nahody dnia paminańnia prodkaŭ «Dziady» ad budynka hadzińnikavaha zavoda «Łuč» va ŭročyšča Kurapaty. U im udzielničała prykładna tysiača čałaviek. Hetaje šeście taksama było sankcyjanavana Minharvykankamam.
