Hetaje rašeńnie pastajannaj kamisii Pałaty pradstaŭnikoŭ pa adukacyi, kultury, navucy i navukova‑techničnym prahresie ahučyŭ jaje kiraŭnik Uładzimier Zdanovič na pres‑kanferencyi, što prajšła 1 lutaha ŭ Ždanovičach pad Mienskam. «Heta adznačnaje rašeńnie i abmierkavańniu nie padlahaje», — zajaviŭ deputat.
U takim rašeńni vinavatyja sami rektary, tyja, jakija skamprametavali systemu vyšejšaj pryvatnaj adukacyi, miarkuje sp. Zdanovič. «Hetymi rektarami parušalisia zakony, nanosiŭsia ŭron studentam», — zaznačaje jon.
«My nie źbirajemsia likvidavać systemu pryvatnaj adukacyi, ale i patrabavańni da dziejnaści pryvatnych VNU jak byli, tak i zastanucca samymi vysokimi, — zajaviŭ deputat. Na jahonuju dumku, «adukacyja ŭ našaj dziaržavie patrebnaja nie dziela taho, kab atrymać dyplom, a dziela taho, kab kraina vyjšła na novy jakasny ŭzrovień svajho sacyjalna‑ekanamičnaha raźvićcia».
Siońnia ŭ Biełarusi naličvajecca 12 pryvatnych VNU, dzie navučajecca 58 tys. studentaŭ.
