10 listapada žychar Homiela, piensijanier MUS Uładzimir Niapomniaščych źviarnuŭsia z zajavaj da staršyni Homielskaha abłvykankama,hienierał-majora ,hienierał-hubiernatara Uładzimira Dvornika z prośbaj zaličyć jaho ŭ terytaryjalnyja vojski.
Jak paviedamiŭ BiełaPAN zajaŭnik, u svaim zvarocie jon cytuje prezidenta Biełarusi i na padstavie słoŭ kiraŭnika dziaržavy prosić pradastavić jamu mahčymaść udzielničać u abaronie terytoryi Biełarusi.
«Ja słuchaŭ pałymianuju pramovu prezidenta ab stvareńni terytaryjalnych vojskaŭ, vielmi natchniŭsia joju, i ŭsio pramovu zakanśpiektavaŭ.
Prezident havaryŭ, što, cytuju: treba padrychtavać nasielnictva, kab u patrebny momant uziali chto aŭtamat, chto kulamiot, pryjdziecca vajavać, my, mužyki, pavinny abaraniać svoj dom, treba pamierci, značyć, pamrem pieršymi. Ja hatovy słužyć navat radavym. Ja raniej byŭ pradprymalnikam, dakładniej, „ušyvaj błychoj“, sabraŭ kapitał, jaki zachoŭvaju ŭ „Biełarusbanku“, i, jak havaryŭ prezident, mnie jość što hublać.
Kaniešnie, pamirać pieršym ja nie maju namieru, jość bolš dastojnyja», — piša ŭ zajavie piensijanier MUS.
U zvarocie jon taksama vykazvaje hatoŭnaść uziać u ruki zbroju i prosić vydać jamu snajpierskuju vintoŭku, «a lepš hranatamiot».
«I paviercie, jany nikoli siudy nie sunucca: nijakija kazły, admarozki, piataja kałona. Kolki ŭžo možna ździekavacca sa šmatpakutnaha biełaruskaha naroda? A to, hladzi, jak raśpierazalisia
— razarvali ŭžyvuju lepšaha siabra biełaruskaha naroda Muamara Kadafi. U stabilnaj kvitniejučaj Biełarusi my takoha nie dapuścim», — zapeŭnivaje kiraŭnika vobłaści Niapomniaščych.
