Prodaž harełki ŭ Biełarusi vyras na 19% 2

Pavodle źviestak Biełstata, u studzieni-kastryčniku 2011 hoda realizacyja harełki pavialičyłasia na 18,9% u paraŭnańni z takim ža letašnim pieryjadam. Pradadziena 10 młn. 66,9 tys. dał harełki, jaje dola ŭ ahulnym abjomie spažyvańnia ałkaholu skłała 45,6% (u studzieni-kastryčniku 2010 hoda — 42,7%).

Dola realizacyi ałkaholnaj pradukcyi ŭ ahulnym abjomie roźničnaha tavaraabarotu ŭ studzieni-vieraśni 2011 hoda skłała 10,3%. Na spažyvieckim rynku realizavana ałkaholnych napojaŭ i piva na 6,6 trłn. rubloŭ.

Piva za dziesiać miesiacaŭ pradadziena 29 młn. 333,5 tys. dał, što na 11,9% bolš čym anałahičny letašni pakazčyk. Dola hetaha napoju ŭ ahulnym abjomie spažyvańnia ałkaholu skłała 13,3% (za studzień-kastryčnik 2010 hoda — 13,2%).

Likiora-harełačnych vyrabaŭ realizavana 1 młn. 771,9 tys. dał (+34,9%), vinahradnych vin — 2 młn. 561,2 tys. dał (+14,4%), pładovych vin — 13 młn. 684,7 tys. dał (-3,2%). Pładovyja viny zaniali 27,9% u abjomie prodažu ałkaholnaj pradukcyi (u studzieni-kastryčniku 2010 hoda — 32,1%).

Kańjaku i brendzi pradadziena 268,4 tys. dał (+26,6%), pienistych vin i šampanskaha — 1 młn. 67 tys. dał (+26,6%), słabaałkaholnych napojaŭ — 714,4 tys. dał (-32,1%).

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH