Pietycyja skiravanaja na adras AAN, pravaabarončaj arhanizacyi Human Rights Watch i «ŭsim, chto moža dapamahčy».
Inicyjatary chadajnictva majuć namier sabrać 100 tysiač podpisaŭ.
U pietycyi adznačajecca, što pryhavor Kavalovu i Kanavałavu, dla jakich prakuror zapatrabavaŭ śmiarotnaj kary, budzie vyniesieny 30 listapada.
«Mnohija ŭ Biełarusi ličać, što hetyja ludzi nievinavatyja, — havorycca ŭ zvarocie. — Niama kankretnych dokazaŭ, što jany ŭčynili terakt. Kali łaska, padpišycie heta chadajnictva i paprasicie svaich siabroŭ, kab my ŭsie mahli vyratavać hetyja žyćci».
«Ludzi za samaje žorstkaje pakarańnie lubych terarystaŭ, ale źbirajuć podpisy tamu, što jany nie vierać hetamu sudu i pradjaŭlenym dokazam. Jany bajacca strašnaj pamyłki, jakich było šmat u «spravie Michasieviča», naprykład», — skazaŭ «Našaj Nivie» adzin ź ludziej, jakija pryznalisia ŭ tym, što pastavili svoj podpis.