Kiraŭnik českaha Interpołu Pavał Michał pakinie svaju pasadu; jon pamyłkova byŭ paličany asobaj, jakaja nie supracoŭničała z čechasłavackaj słužbaj biaśpieki tolki tamu, što padaŭ na lustracyju falšyvyja dakumenty — paviedamlajuć «Lidove noviny». Zamiest svajho imia Pavał, papularnaha ŭ Słavakii, Michał padaŭ Pavieł, jakoje čaściej užyvajecca ŭ Čechii — tłumačyć hazeta. Pra toje, što Pavał Michał z 1984 h. znachodzicca ŭ rejestry kamunistyčnaj słužby biaśpieki, užo na minułym tydni prainfarmavała Českaja televizija. Tady Michał abvierhnuŭ hetuju infarmacyju, padkreślivajučy, što jaho pravieryli i nie abvinavacili ŭ supracoŭnictvie z kamunistyčnymi słužbami. Tečka «Emila» (taki pseŭdanim atrymaŭ Michał) była źniščanaja. Ministar unutranych spravaŭ Ivan Lanhier zajaviŭ pra paŭtorny kantrol usich vydadzienych lustracyjnych zajavaŭ. «Kali heta nia budzie mažliva, dyk, prynamsi, ŭsich palicejskich» – paviedamiŭ jon.
