Pačalisia pieramovy Miadźviedzieva i Łukašenki 1

Kiraŭniki Biełarusi i Rasii sustrakajucca ŭ padmaskoŭnaj rezidencyi Horki.

Alaksandr Łukašenka i Dźmitryj Miadźviedzieŭ navažany abmierkavać raźvićcio dvuchbakovych adnosinaŭ, u tym liku ŭzajemadziejańnie ŭ ekanomicy.

Paśla sustrečy ŭ vuzkim składzie prezidenty voźmuć udzieł u pasiadžeńni Vyšejšaha dziaržsavieta Sajuznaj dziaržavy Biełarusi i Rasii, pavodle vynikaŭ jakoha płanujecca padpisać pakiet dakumientaŭ u enierhietyčnaj śfiery.

U pryvatnaści,

razmova idzie ab kupli rasijskim bokam 50-pracentnaha pakieta akcyj «Biełtranshaza».

Zaraz Rasija i Biełaruś vałodajuć pa 50% akcyj hetaha pradpryjemstva.

Akramia taho,

pavinna być padpisana pahadnieńnie, jakoje fiksuje ceny na rasijski haz dla Biełarusi.

Nie vyklučana, što baki padpišuć i pahadnieńnie ab davańni Rasijaj kredytu na budaŭnictva biełaruskaj AES.

Na pasiadžeńni Vyšejšaha dziaržsavieta taksama budzie vyrašana pytańnie ab novym dziaržsakratary Sajuznaj dziaržavy. Raniej paviedamlałasia, što Pavieł Baradzin pakinie hetu pasadu ŭ suviazi z dasiahnieńniem piensijonnaha ŭzrostu. Šerah ŚMI nazyvaŭ asnoŭnym pretendentam na pasadu paŭnamocnaha pradstaŭnika prezidenta Rasii ŭ Pryvołžskaj fiederalnaj akruzie Ryhora Rapotu. Jon zaprošany na pasiadžeńnie Vyšejšaha dziaržsavieta.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH