Viačasłaŭ Siŭčyk paviedamiŭ, što sud nad jahonym bratam Kanstancinam Łukašovym pryznačyli na 15 lutaha dy projdzie jon u sudzie Leninskaha rajonu Miensku ŭ 10.30.
— Ja źviartajusia da adnadumcaŭ i paplečnikaŭ, — zajaviŭ Siŭčyk, — z prośbaju padtrymać našuju siamju, Kanstancina. Ja razhladaju spravu Kanstancina Łukašova jak vyklučna palityčnuju. Hałoŭnaja meta hetaj spravy, na moj pohlad, heta dyskredytacyja Biełarusi ŭ vačach suśvietnaj, i ŭ pieršuju čarhu eŭrapiejskaj hramadzkaści. Źjaŭleńnie jašče adnaho palitźniavolenaha — jašče adzin udar pa imidžy Biełarusi.
Siŭčyk asudziŭ taksama pieraśled uładami maładafrontaŭskich aktyvistaŭ Aleha Korbana i Dźmitryja Fiedaruka.
— Heta złačynstva navat nia suprać moładzi, — dadaŭ Siŭčyk, — heta złačynstva suprać nacyi. Maładyja ludzi ŭ XXI stahodździ nie pavinny aryštoŭvacca pa zakonach XIX stahodździa.
Łukašova zatrymali 19 śniežnia, zakidajučy jamu, što 29 sakavika 2006 hodu, kali jon zabiraŭ z balnicy svajho brata Siŭčyka — aŭtamabilem najechaŭ na supracoŭnika milicyi.
29 sakavika cyvilnyja z paśviedčańniami MUS sprabavali zatrymać za drobnaje chulihanstva Siŭčyka, jaki pakidaŭ balnicu, ale z dapamohaju Łukašova abodvum udałosia vyrvacca.
